كيف يتم ترتيب الاقسام

[*الشامسي*]

السلام عليكم ورحمة الله وبركاته


جماعة الخير

بغيت اعرف كيف يتم ترتيب اقسام المنتدى

يعني اضافع قسم فرعي عرفته

بس مثلا الحين القسم الرئييسي كيف انقله بكبره؟

يعني مثال بغيت انقل القسم الاسلامي فوق وقسم الالعاب انزله تحت


كيف يتم ذلك

[*الشامسي*]

شكرا على التفاعل

ودنه الحل


سؤال اخر

كيف اسوي اقسام المحذوفات والشكاوي مخفي عن الاعضاء

وكيف اخلي المنتدى خاص

يعني لايستطيع المشاهده الا بعد التسجيل


في انتظار تفاعلكم الدائم

[عذب القوافي]

السلام عليكم ورحمة الله وبركاته

شحالك يالشامسي

لو حاط موضوعك في القسم المناسب لوجدت الحل بشكل اسرع

للتحكم بالرؤيه والتصاريح

تحت كلمة المنتديات والمشرفين بتلاقي مكتوب ترخيص الاقسام او المنتديات

اضغط عليها

بتطلع لك كل الاقسام ادخل على كل مجموعه وعطها التصاريح المناسبه

بالتوفيق

[*الشامسي*]

شكرا على الافاده عزيزي سويتها لكن للاسف لايستجيب لا اعلم اي الخلل
عموما

نقطه اخرى حاب اعرفها اذا امكن


بالمواضيع عدد الصور اللي تنطرح تكون كحد اقصى اربع صور

كيف اخليه بدون تحديد لعدد الصور يعني اكثر من اربع

[عذب القوافي]

السلام عليكم ورحمة الله وبركاته

الشامسي يا بعدي

لانه هذا اول طلباتك

حاضرين نضبط لك منتداك

حط بياناتك في الشكاوي والاقتراحات وفالك طيب

وعن زيادة الصور

ادخل على لوحة المنتدى

خيارات المنتدى

اعدادات طريقة نشر المواضيع والردود

تلاقي في الوسط

الحد الأقصى لعدد الصور بكل مشاركة

حط الرقم المناسب لك واحفظ العمل

بالتوفيق

[الوجه البشوش]

كلم الخبره
تقبل مروري:90:

[ملوك الإمارات]

وعليكم السلام ورحمة الله وبركاته

جزاك الله خير اخي عذووب

بالتوفيق للشامسي

[*الشامسي*]

عذب القوافي

تسلم ياشيخ ماقصرت سويتها وضبطت الحمد الله


سؤال اخير ماعليه شوي بتعبكم معاي

الاقسام الفرعيه سويتها لوكن ماتبين بالصفحه الرئيسيه الا يوم ادخل القسم بعدين يبين انه القسم الفرعي موجود
ان شاء الله فهمتو علي

[مـ كـوكـب أخـر ـن]

يالغالي اتبع التالي

لوحة التحكم <<< خيارات المنتدى << خيارات ظهور قائمة الأقسام << الخيار الثالث ( عرض الأقسام الفرعية في الصفحة الرئيسية ) اجعل الرقم ( 1 )

وحدث صفحه المنتدى وراح تطلع يالغالي

بالتوفيق لك

[*الشامسي*]

تسلملي والله

يعلك تسكن الجنه قول امين


زين عيل انا مانعطى وجه


بعد عندي سؤال اخير

الحين كل مشرف واداري ومشرفه يكون لونهم معين

يصير نغير الالوان على حسب ذوقنا؟

وهل يصير بعد نغير السميات؟!

يعني بدال المراقب ابى اخليه يكون مشرف وجي ....

[*الشامسي*]

تغيير الالوان عرفت لكن المسميات ماعرفت

[مـ كـوكـب أخـر ـن]

كل شئ يجي يالغالي

لكن هل انت مركب هاك اللوان المجموعات والا ايش وياليت ترفق لي رابط موقعك لاعطائك الطريقه

[*الشامسي*]

الالوان موجوده

لكن المسميات كيف اسوي عليها تعديل


وبعد سؤال كيف اخلي المشرف يطلع بجانب القسم يعني يبين

وكيف اختار القسم اللي اهو بيشرف عليه


بالنسبه للرابط اعتقد ممنوع يخوي
بجرب اطرشلك ااياه على الخاص

[*الشامسي*]

لازم خمسين مشاركه


هذا الرابط

http://www.alhzaf.com/index.php

[مـ كـوكـب أخـر ـن]

ههههههههههه

قلت لك هات الرابط ماتسمعني لازم تحرج نفسك خخخخخخخ

طيب يالغالي

بخصوص تغيير اسماء الرتب

لوحت التحكم << مجموعات الاعضاء << التحكم بالمجموعات

وبعدها ادخل على المجموعه الي تبي تعدل اسمعها

راح تحصل فوق اسم العنوان اكتب العنوان الي تبيه يصير للمجموعه

وتحت مكتوب لقب العضو اكتبه بنفس الاسم الي بتغيره من فوق


هذا بخصوص تغيير اسماء المجموعات

بخصوص اسم المرقابين في الرئيسيه عند كل قسم

لوحة التحكم << خيارات المنتدى << خيارات ظهور قائمة الأقسام <<

راح تحصل تحت اخر شئ ( عرض المراقبين في الصفحة الرئيسية ) اجعلها نعم

وبكذا المراقبين تحصلهم بالرئيسيه عند كل قسم طبعا اذا حطيت مراقب عند الاقسام

بخصوص ترشيح مراقب لقسم معين

لوحة المنتدى << المنتديات والمراقبين << التحكم باقسام المنتدى

روح عند القسم الي تبي ترشح فيه مراقب راح تحصل في الجهه اليسرى مكتوب عندك المراقبين (0) اضغط على السهم الي جنبها راح تحصل مكتوب تحت المراقبين كلمه اضافه مراقب اضغط عليها

وبعدها راح تفتح لك صفحه الاضفه والصلاحيات للقسم

مكتوب فوق اول شئ

أسماء المراقبين << ضع اسم المراقب نفسه

وتحتها في جدول باسم ( خيارات مجموعة العضو ) هذا لا تعمل فيه شئ بالمره

ولك الصلاحيه بتعديل ماتحت هذي الكلمه ( تراخيص المواضيع / المشاركات )

بحيث انك تعطيه صلاحيات في القسم الي راح يصبح فيه مشرف

وبعدها موافق وانتهى

روح بعدها للرئيسيه وراح تحصل اسمه من ضمن المراقبين عند خانه المراقبين للقسم

ولا تنسى تعطيه الصلاحيه في ملفه الشخصي في لوحه التحكم بحيث تحوله من عضو الى مشرف او مدير او وزير ^_^

اتمنى الشرح واضح

بالتوفيق لك يالغالي

[*الشامسي*]

يخوك مادري والله خفت انه ممنوع ونطرد بالاخير قلت احط الرابط
ان كان ممنوع ينبهونه

طيب بما انك خبير اشرايك بعد تعطينا من هالزين ونسألك؟!

موافق؟!


اوك

الحين كيف نركب الايقونات تبع الاعضاء

يعني مثلا اسم العضو او الاداري يكون اسمه داخل ايقونه تلمع وتتحرك وجي!؟..

يعني مثلا شو نك نيمك

تحته نجوم يعني في حركه

انشاء الله فهمت عليه

واذا تبون تفتكون مني

احد يتبرع انه يزور منتداي وسوي كل شي وبدعليه دعوة الشواب الشباب

[مـ كـوكـب أخـر ـن]

هههههههههه

انا اصلا من شفت اسالتك الكثيره في الموضوع هذا قلت شكله بيصير شات ماهو موضوع وسؤال

على العموم يالغالي

اسدح لي موضوع جديد بكل طلباتك واتمنى تراعي العنوان على حسب الي تبيه

وارسل لي بعدها بياناتك بالكامل وان شاء الله مالك الا الي يسرك

وبعد ماخلص ارسل لي كرتوب ببسي << اروي عطشي لان شكل موقعك يبي له جلد ههههه

يغلق للانتهاء من الموضوع الاساسي