انا وقلبى

[محمد صادق]

انا اللى الصبر مش صابر على اللى فيية
وانا اللى العذاب اشتكى من قسوة لياليية
انا الحزين انا المحتار
انا من سنين عايش فى نار
عايش كدة وحدانى متغرب عن حبايبى
احزانى واخدانى وعذابى ساكن قلبى
قلبى اللى داب
فى ليالى العذاب
قلبى اللى يامة اشتكى
قلبى اللى قاسى وبكى
قلبى اللى حب فى يوم وحبيبة خانة وباعة
قلبى اللى بات مظلوم بيقاسى من اوجاعة
فية ناس بتحزن يوم وممكن تحزن يومين
وناس حزنها بيدوم ممكن سنة وممكن سنين
وانا حزنى مالة نهاية
دا حزنى ياناس جواية
انا اللى المر عاشقنى
وعمرة فى يوم مافارقنى
انا اللى غاب قمرى
انا المغلوب على امرى
انا اللى هبت ريح طفيت شموع فرحى
انا الجريح وباقاسى من جرحى
انا اللى انكتب ليا اعيش كدة بالامى
انا يا طول لياليية ويا مر ايامى
وانا عايش كدة وحدانى متغرب عن حبايبى
احزانى واخدانى وعذابى ساكن قلبى

[الإبتسـامه الدامعـه]

يسلمووو








تحيتي

[ستار]

الللللللللللللللللله عليك فعلا

كلمات معبرة و تنفع كمان أغنية

أنت ماتخيلتهاش أغنية؟؟؟؟؟؟؟؟؟؟؟

فعلا هاتكون رائعة لو أتلحنت

شكرا محمود

[محمد صادق]

اسمى محمد صادق
مش محمود