اللي حبك..قبل أحبك [الأرشيف] - منتديات عديل الروح

yaman

14-01-09, 12:59 PM

اللي حبَك ...قبل أحبك !

من زمان..
وأنا نفسي..
أسألك هذا السؤال :
اللي حبك..قبل أحبك
حس مثلي بهالجمال ؟!
حس ان الدنيا روعه
وكل شي فيها...خيال؟!
وان صدره
ممتلي برضى النهار
وانه مهو انسان عادي
وانه أقرب للكمال ؟!

اللي حبك..
لما حبك..
صارت ايدينه مرافيء..
للصباحات الندية؟!
وصار قلبه..
لأغاني البيض ..جال ؟!

سولفي لي..
كان يكتب لك قصايد؟!
كان يرسم فالورق
قمرة بجدايلها الطوال
وكان يقول لك : تشبهك..
بس ..ناقصها يصير..
على الخد ..خال ؟!

وش كان يقول عن ضحكتك؟!
كان يحس..بانها..
أجمل موسيقى
وان لها ..في نهايتها
ظلال ؟!

ولما كنتي تسولفين
كان مثلي
يجمع الورد ويعبي..بالسلال؟!

كان دايم يذكر الله
لا مشيتي
وانتثر عطر الخزامى
فوق وجه الأرض ..سال؟!

وش يقول لما يشوفك..
تشرحين اللين..للغصن الطري
تعلمينه
ألف..باء..تاء الدلال؟!

كان يسولف عنك للبنات
عنك انتي
وعن هواك اللي خذاه
وماترك لانسانه غيرك
في نظر عينه مجال؟!

اللي حبك..قبل أحبك
عمره ماحس بغرور؟!
واماكنتي تخطرين انتي في باله
مايحس بكبر حظه
كونك انتي .. له وحده
له..من بد الرجال؟!

اللي حبك..قبل أحبك
هو شافك..مثل ماأنا أشوفك
شي كبير ونعمة تستاهل شكر
حتى لايجيها الزوال؟!

مو مهم تجاوبيني
بس نفسي أسألك
من زمان..هذا السؤال:
اللي حبك..قبل أحبك
هو صحيح..
انه بعد فرقاك..حيَ
ولايزال؟؟؟

yaman

ورد شاه

14-01-09, 03:47 PM

yaman

الله يعطيك العافية

طرح رائع

سلمت يمنك

دمت بخير

UAE 4 EVER

15-01-09, 05:16 PM

يسلمو على الطرح الطيب

تحياتي

احســاس

15-01-09, 05:20 PM

http://www.uae-up.com/up2/uploads/1985e572ad.gif

روح المشاعر

15-01-09, 05:49 PM

قـصيـدة رائـعـة وجـميلـة ..

يـعطيـك العـافيـة ..

وبـارك الله فيـك ..

ننـتظر جـديدك بكـل شـوق ..

دمـت بخيـر ..