+||+ !.. خذوني .. واتركوا نـاجي ..! +||+

[شظايا قلب]

خـذوني .. واتركوا ناجي ..!


وطن ضايع .. شعب يبكي .. مسحنا دمعة عيونـه
فزعنا له .. وفا و اخلاص .. و كنا اكثر مْن اخوان

بعد رب الملا صرنـا علـى غـدر الزمـن عونـه
فتحنـا قلبنـا دار .. و لقـا فـي دارنـا احضـان

شعب عالواجب تربـى .. و مـن يومـه تعرفونـه
و من ينسى فضل زايد .. و بعده فضل بو سلطـان

غريبه كيف كـف ٍ جـاد بعـد خيـره تعضونـه !
و هل هذا جزا المعروف ؟ هل هذا جزا الإحسان ؟؟!!

غريبه كيـف مـن يقصـد بكـم خيـر ٍ تجازونـه
بفعل ٍ ما لقينا لـه اسـم لايـق سـوا النكـران !

عطوني لْفعلكم تبريـر .. ابعـرف وش تسمونـه ؟
جهاد ٍ كيف يا عالم ؟ ولا يحمـل شيـم شجعـان ؟

شجاعتكـم دفنتوهـا فـي امـس اللـي تهابونـه
عن اللي كان فـي عهـده يقلـد هتلـر الألمـان !

و جيتوا اليـوم عالطاهـر .. تعاونتـوا تخطْفونـه
بعد ما علّقـت امـه لعرسـه زينـه عالجـدران ؟

كسرتـوا قلبهـا الليـن .. حـرام اللـي تسوونـه
حرمتوها فرح ليلة زفـاف اغلـى و اعـز انسـان

حـرام الشيـب فـي بيتـه بعـد فرحـه تبكونـه
حرام امه تشـق الجيـب و ينـزل دمعهـا وديـان

خذوني و اتركوا ناجي الخميـس الجـاي يزفونـه
و تنزل دمعة الفرحـه و نمسـح دمعـة الأحـزان

ترى امه ما تذوق الزاد .. و تقضي الليل محزونـه
مـا تـدري اذا مـرتـاح ولا يشتـكـي تعـبـان

ولا تــدري اذا كنـتـوا تغـدونـه و تعشـونـه
ولا تدري اذا ف يومه يلاقـي المـاي اذا عطشـان

علمنـا يعطّـر الدنيـا اذا رفـرف علـى هـونـه
سـلام و خيـر يتغنـى و تشهـد للعلـم الــوان

شعبنا يرفعه عالي و من اقصى الكـون يشوفونـه
حمامة سلم من يومـه ولا عـاون علـى العـدوان

عسـى الله لا يسامحكـم اذا بكلـمـه تهينـونـه
اماراتي ولـد زايـد عزيـز و مـا انولـد ينهـان

عسـى الله لا يسامحكـم اذا بلمـسـه تضـرونـه
اماراتـي ولـد زايـد قـوي البـاس و الإيـمـان

ترى رب السما يغضب علـى اللـي مـا يخافونـه
و لكـن رحمتـه فيهـا كثيـر ابـواب للغـفـران

اذا كـان الأسـر غلطـه .. نناشـدكـم تفكـونـه
ترى ما فاتت التوبـه .. ولكـن وقتهـا قـد حـان

و اذا كان الهـدف خطـه وراهـا شـي ترجونـه
ولا تتنفـذ و تنجـح سـوا بالجهـل و العصيـان

خذوني و اتركوا ناجي الخميـس الجـاي يزفونـه
خذوني .. كلمة ٍ جابت قصيـده ( كلهـا عنـوان)


لـ الشاعر .. ساقي الـ شوق ..

لـ سماع القصيـده ..

..إظغطـ هنا .. (http://www.saaqe.com/poem/najy.ram)

والله يـرد ناجي بـ السـلامه .. ويجعل له من إسمه نصيـبا ..

[عماد]

اااااااااااااااااااااااااااااااااااااااااااااااااا اااااااااالله

[الإبتسـامه الدامعـه]

سلمتــــــــــــــي شظايا على هالقصيده..



يعطيك العافيه..



أرق تحيه،،

[شظايا قلب]

اااااااااااااااااااااااااااااااااااااااااااااااااا اااااااااالله



عماد ..

تسـلم عـ مروركـ اخوي ..

[شظايا قلب]

سلمتــــــــــــــي شظايا على هالقصيده..
يعطيك العافيه..
أرق تحيه،،


ربي يسـلمجـ ويسلم غاليجـ غناتي ..

لكـ مودتي ..

[فارس عديل]

شظايا قلب
شكرا على القصيده الرائعه
لاتحرمينا من ابداعك المتواصل

[غربة مشاعر]

شظايا

مكشوره أختي عالقصيده والله يرد لنا ناجي سالم يا رب

دمت بحب

[عذب القوافي]

صح لسانه

والحمدلله رجع بالسلامه

وشكرا شظايا قلب

بالتوفيق

[شظايا قلب]

شظايا قلب
شكرا على القصيده الرائعه
لاتحرمينا من ابداعك المتواصل


لا شكر على واجبـ اخوي ..

تسـلمـ عـ مروركـ الكريمـ ..

دمــتـ بود ..