ايه انا اللى كنت ألوم اللى يضيق ان غاب خلـه ...

[▪ Füόηκάн ▪]

قصيده لشاعر / حمد السعيد ،،،

لعجبتني كثيراً فأحببت ان انقلها لكم ،،، أتـمـنى تنال رضاكم ،،،


والله انى كنت ألـوم اللـى يضيـق أن غـاب خلـه
لـيـن جـربـت المحـبـه والـفـراق وقـلـت تـوبـه..

لعـنـبـو جـــد الـمـفـارق فـيــه هـــم وفـيــه ذلـــه
أثـر كـل الـحـب لــذه والـفـراق أكـبـر عيـوبـه ..

امــس فـارقـت الـغــلا ومـفــارق الـخــلان عـلــه
والعـلاج الوصـل لا تبلـش طبيـب ولا حبوبـه ..

الـزعـل هــو سـبــه الـفـرقـا يـهــز الـحــب كـلــه
ليتـنـى طـولـت بـالـى قـبـل لا يـعـلـن غـروبــه..

وآهني اللـى وسيـع الصـدر.. صـدره وسـع فلـه
غلطه الصاحب تجى وتروح ماهى بمحسوبه ..

عـارفً قــدره.. وقــدر الـلـى يحـبـه فــى محـلـه
ذاك نفسه لا حشا ماهى على الحب مغصوبه ..

ليش تحسب غلطه الصاحب على الصاحب مذله
ليش ماتحسب ميانه لو تجـى عشريـن نوبـه ..

لا وربــى.. كـنـت أحـبـه حـيــل مـــادورت زلـــه
لا تشكـك فـى غــلاه ولا تسـاعـد فــى هـروبـه..

لايـمــى قـبـلـك تـعـبـت ألــــوم شــعــار الـمـجـلـه
وكنت مؤمن فى مقوله اعذب الشعـر الكذوبـه..

وأثــر كـلـن فــى حيـاتـه لــه تـجــارب مستـقـلـه
وانت لا تشـره علـى مثلـى وتبـلا لـك بحوبـه ..

كــان جابـتـك.. الحمـيـه روح لــه تكـفـى وقـلــه
لا يخلـيـنـى واذا وده يـخـفـف مــــن ذنــوبــه ..

يستـخـيـر ولـــه غـــلا قـلــب صـــدوق مـايـمـلـه
فـدوة لـه كـل قلـبـي مــن شمـالـه لــى جنـوبـه..

يــوم قـفـى والخـفـوق يـفـوح عقـبـه فــوح دلـــه
وسط وقدرة واحد عز الشتاء والسهـر دوبـه ..

لا تـقـهـوى بـــارده مـــن بـــرد فنـجـالـه وزلـــه
ثـم قربهـا علـى جـال الجمـر وأرهــى شبـوبـه..

ويـــن يـدلــه هالـخـفـوق وكـــل مـايـدلــه يـتـلــه
طاري اللى ياكثر ماأتعبـت رجلـى فـى دروبـه..

لا طــرى جـريــت ونـــه مـــن بـــلاده مستـحـلـه
مثـل ماراحـت بـلادى مــع شـعـارات العـروبـه..

كــل هـاجـوس يجيـبـه جـعـل شـعـرى فــدوة لــه
وأعـذابـى كــل ماجـبـت لـــى الجـبـلـه هـبـوبـه..

مشغـلـن قلـبـي يـحـبـه دون خـلــق الله مـــن الله
هيه ياللـى ممتلكنـى حسـن وأسلـوب وعذوبـه..

ماسمعـت ان الخـوي لـه بالخـوي تسعـيـن زلــه
وانــت طــوف زلـتـى يـاعـل تـفـداك اللعـوبـه ..

صاحبي سيف الهجر لا صـرت تقـدر لا تسلـه -
ماتظـن ان العفـو عنـد المقـدره اكبـر عقوبـه ..

ايه انا اللى كنت ألوم اللى يضيق ان غاب خلـه
لـيـن جـربـت المحـبـه والـفـراق وقـلـت تـوبـه..






احترامي لكم جميعاً ،،،،،،

[الورده العاشقة]

مشغـلـن قلـبـي يـحـبـه دون خـلــق الله مـــن الله
هيه ياللـى ممتلكنـى حسـن وأسلـوب وعذوبـه..

رووووووعه يسلموو

[▪ Füόηκάн ▪]

تــســلــمــيــن,,ع,,الــمـروور

الــرآآقــي

مـنـورهــ

[الجريحة]

http://www.nsaayat.com/up/uploads/nsaayat4e61479625.gif

[روح المشاعر]

قـصيـدة رائـعـة وجـميلـة ..

يعـطيـك العـافيـة ..

وبـارك الله فيـك ..

ننـتظر جـديدك بكـل شـوق ..

دمـت بخيـر ..

[هواجيس]

إختيار موفق

وقصيدة جميلة ذات إحساس جميل

سلم لنا بنانك غاليتي

تقبلي تواجدي هنا

[UAE 4 EVER]

صح لسانه

يسلموووو على النقل الطيب

تحياتي

[ديواان الاماراات]

كويتيه

رااااااعيه ذوووق رااااااقي

دووم ما ندخل متصفحج ونجد كل جميل ومميز

سلمت اديييج ولاهنتي ع هالقصيدة

وصح الله لسان الشاعر الجميل حمد السعيد

بشوووق ليديدج

دمتي بود

[جعفر الجزائري]

http://www.kuwaitup.net/up/uploads/1393-3322-3730.gif