همس المشاعر
08-05-06, 11:46 AM
غرام احباب
على ذاك الطريق اللي يسمونه غرام أحباب
وطت رجلي على دربه ولاأدري وش نوى فيني
تبعته لآخر دروبه .. ألين أن القمر قد غاب
تعب قلبي ، ولا تعبـت مسافـاتٍ توديـني
لقيت الليلة الجردا : هدب ظل وسما واعشاب
بعد ذاك الظـلام اللـي يتـوهني عنـاويني
صدفتك معجبه فيني وياليت..الغرام : اعجاب
وتراك انتي الـهنوف اللي هقيتك تستحقيني
عطيتك عشق من قلبي..وسلمت لغلاك رقاب
وغيرك يـحترق قلـبه ولا يقـدر يحـاكيني
أنا قبلك صدفت عيون لكن ويش جاب لجاب؟
ترى كل العيـون اللـي لقتـني ما تكفـيني
رماني حظي العاثر عليك وجيت لك طـلاب
ولا أنتي اللي عشقتيني ولا انتي اللي عتـقتيني
تعالي واعتقي ذاك الخـفوق المـولع المرتاب
مهب لاجلي ، عشان الله يجازيك ويجـازيني
تعدي في سما عشقي ولو عشقي خراب أصحاب
وصوني بالهوى نفسك قبل لا انتي تصـونيني
وشيليني على متنك : خفوقٍ باريٍ منصاب
ومن فوق الغرام العذب .. شيليني وحطيني
ولا منك هقيتيني شجاع وما يطـيق يهاب
أنا لك بالهوى والله مثـل ما انتي هقـيتيني
أنا ما أمشي ورا غيرك ولو أنه يطق الباب
وترى عيبٍ عليّ أطعن..ولو كثرت سكاكيني
زهودٍ ما يطـيق الدم لا داين ولا طلاب
شجاع وعارفٍ نفسي وأظن أنك تعرفيني
غيورٍ ماعرفت أضحك مع الغدر ببّرود أعصاب
أبيـع عيـوني الثنـتين قبل أنك تخونيني
إذا شد الغرام .. اترك خفوقي : بين ناب وناب
لفرقى ت**ر ضلوعي .. ولا عشقٍ يوطّيني
أنا رجلٍ ولي غيره .. وإذا شفت الهوى كذاب
تثور بقلبي الفـزعه ولا تـهدى شيـاطيني
سؤالك لو يزعزع بي كياني ما قبلت عـتاب
اجي لك وأسالك نفس السؤال اللي سألتيني
عن العشق القديم أبواب .. تقفيها كثير أبواب
بعد ذاك الحبيب اللي خدعني وانخدع فيني
أبي عشق تحسب له كل نظرات العيون حساب
وابي قلبٍ علي قلبي ، وابى دينٍ على ديني
وابي نظرة عطا توفي ولا تخلف بدون أسباب
وابي منك قبل لا نتي تصـديني .. توديني
وابي دربٍ على العذال صعبٍ ومتعبٍ وغلاب
وابي نفس الطريق الصعب يبعدهم ويدنيني
ترى لو للقلوب عيون ولدموع العيون أهداب
حشى ما تنزل الدمعه لغيرك لو تركـتيني
أنا أول من عرف قدرك وأنا توي صغير وشاب
وابي منك ما دام أنك عرفتـيني تحـبيني
ما دام أني لقيتك في طريق أسمه غرام أحباب
دخيل الله ، وبعد الله دخيلك .. لا تخليني
ما دام أن كل من يحيا على وجه التراب تراب
عسى تنساني الدنـيا مادام أنتي ذكرتيني
على ذاك الطريق اللي يسمونه غرام أحباب
وطت رجلي على دربه ولاأدري وش نوى فيني
تبعته لآخر دروبه .. ألين أن القمر قد غاب
تعب قلبي ، ولا تعبـت مسافـاتٍ توديـني
لقيت الليلة الجردا : هدب ظل وسما واعشاب
بعد ذاك الظـلام اللـي يتـوهني عنـاويني
صدفتك معجبه فيني وياليت..الغرام : اعجاب
وتراك انتي الـهنوف اللي هقيتك تستحقيني
عطيتك عشق من قلبي..وسلمت لغلاك رقاب
وغيرك يـحترق قلـبه ولا يقـدر يحـاكيني
أنا قبلك صدفت عيون لكن ويش جاب لجاب؟
ترى كل العيـون اللـي لقتـني ما تكفـيني
رماني حظي العاثر عليك وجيت لك طـلاب
ولا أنتي اللي عشقتيني ولا انتي اللي عتـقتيني
تعالي واعتقي ذاك الخـفوق المـولع المرتاب
مهب لاجلي ، عشان الله يجازيك ويجـازيني
تعدي في سما عشقي ولو عشقي خراب أصحاب
وصوني بالهوى نفسك قبل لا انتي تصـونيني
وشيليني على متنك : خفوقٍ باريٍ منصاب
ومن فوق الغرام العذب .. شيليني وحطيني
ولا منك هقيتيني شجاع وما يطـيق يهاب
أنا لك بالهوى والله مثـل ما انتي هقـيتيني
أنا ما أمشي ورا غيرك ولو أنه يطق الباب
وترى عيبٍ عليّ أطعن..ولو كثرت سكاكيني
زهودٍ ما يطـيق الدم لا داين ولا طلاب
شجاع وعارفٍ نفسي وأظن أنك تعرفيني
غيورٍ ماعرفت أضحك مع الغدر ببّرود أعصاب
أبيـع عيـوني الثنـتين قبل أنك تخونيني
إذا شد الغرام .. اترك خفوقي : بين ناب وناب
لفرقى ت**ر ضلوعي .. ولا عشقٍ يوطّيني
أنا رجلٍ ولي غيره .. وإذا شفت الهوى كذاب
تثور بقلبي الفـزعه ولا تـهدى شيـاطيني
سؤالك لو يزعزع بي كياني ما قبلت عـتاب
اجي لك وأسالك نفس السؤال اللي سألتيني
عن العشق القديم أبواب .. تقفيها كثير أبواب
بعد ذاك الحبيب اللي خدعني وانخدع فيني
أبي عشق تحسب له كل نظرات العيون حساب
وابي قلبٍ علي قلبي ، وابى دينٍ على ديني
وابي نظرة عطا توفي ولا تخلف بدون أسباب
وابي منك قبل لا نتي تصـديني .. توديني
وابي دربٍ على العذال صعبٍ ومتعبٍ وغلاب
وابي نفس الطريق الصعب يبعدهم ويدنيني
ترى لو للقلوب عيون ولدموع العيون أهداب
حشى ما تنزل الدمعه لغيرك لو تركـتيني
أنا أول من عرف قدرك وأنا توي صغير وشاب
وابي منك ما دام أنك عرفتـيني تحـبيني
ما دام أني لقيتك في طريق أسمه غرام أحباب
دخيل الله ، وبعد الله دخيلك .. لا تخليني
ما دام أن كل من يحيا على وجه التراب تراب
عسى تنساني الدنـيا مادام أنتي ذكرتيني