الطيب كايد....والمراجل تبي ذيـب

[هواجيس]

الطيب كايد....والمراجل تبي ذيـب

والعرف بيّن....واكثر الناس تخطيه

والجود "سنّده"....والخطاوي تجاريب

والصمت هيبه....والعزاوي مشاريه

والجمع قوه....والتفـرق عذاريـب

والشور رجمٍ....والمناعيـر تلفيـه

والصدق بيته....مرتفع بالمراقيـب

والكذب يهدم....مارتفع من مبانيـه

والصيت حاكم....والجماله مواجيب

واللي فعل....بنفس فعلـه تجازيـه

للطيب طيب....وجزوة الطيب بالطيب

ومنهو تردا....اخير منهـا تخليـه

من لافزع في حزة الخوف والريـب

ماينبغالـه حـزة الخيـر تـدويـه

والنفس ماتشرب جميع المشاريـب

ولاكل رجلٍ يـارد "العـدّ" يرويـه

والعبد طرقي....والليالي معازيـب

والعمر فاني....وقطعة قماش تاليه

يالله طلبتك تغفـر الذنـب وتثيـب

يالواحد..المعبود..والخلـق ترجيـه

الرازق..المنان..ياعالـم الغـيـب

الوالي..الرحمن..والكـون بيـديـه

تغفـر لعيـنٍ قوتـه بالمساكيـب

اليا انتهى دمعٍ يجـي دمـع يتليـه

الخوف والله من زمـان المطاليـب

دنيـاً تحـدن يـم شـيٍ فلاابـيـه

خوفي من الزلات خوفي من العيـب

الرب يستر...لكـن الخلـق تبديـه

وكم خافيٍ مع طول الايام مايغيـب

لابد يطلع لو مضى وقـت مخفيـه

مما أعجبني منقول

[▪ Füόηκάн ▪]

والعمر فاني....وقطعة قماش تاليه

يالله طلبتك تغفـر الذنـب وتثيـب



كل مشاركاتك إبداع في إبداع

يعطيك العافيه

تحياتي لك
تقبل مروري

[هواجيس]

كويتيه ولي الفخر

نورتي متصفحي بردك الجميل ياغاليه

مشكوره ع مرورك

دمتي بكل ود

[احلى ميمو]

والعمر فاني....وقطعة قماش تاليه

يالله طلبتك تغفـر الذنـب وتثيـب

ابداع مشكوررر على القصيده
ننتظر جديدك.
موفق بإذن الله ... لك مني أجمل تحية .

[نوآرهـ]

صح لسآن قآيلهـآ ..

وسلميت يمينك..وهذآ الفكر الرآقي الذي أختآر لنآ الجمآل لينثره لنـآ..

مشكوور ويعطيك العآفية

[روح المشاعر]

ألـم وجـروح ..

شكـراً ع الـقصيـدة الرائـعـة

والمـجهـود المـتميـز

دمـت بخيــر ..

[خوآطر العشآق]

ألم و جروح

سلمت يمينك يالغلا

الطيب كايد....والمراجل تبي ذيـب

صدق أن المراجل تبي ذيب

لك ودي

[هواجيس]

احلى ميمو

بـ ن ـت الـ ن ـور

روح المشاعر

خوآطر العشاق

نور ردودكم غمرتني بكل سعاده


وحاب إعتذر لكم عن قل المشاركات أو أن أحد منكم نزل موضوع ولم أرد عليه أنا العامل الزمني لدي لا يسمح لي بتوجد في النت إلا قليل.

تقبلوا تحياتي وشاكر لكم كل الشكر