خذني معك .. من وين ما رحت .. وياك....خذني بقلبك .. دام قلبي .. رهينك

[ملاك الروح]

خذني معك .. من وين ما رحت .. وياك
ــــــــــ خذني بقلبك .. دام قلبي .. رهينك
* *
صعبه ترى لو شفت .. وشلون ابسلاك
ــــــــــ لو طفت هالعالم .. تراني سجينك
* *
عذبتني .. واشقيت روح ٍ تمناك
ــــــــــــ لو ( الهوى ) ينطق .. وربي يدينك
* *
مات الغلا .. ينزف على درب ذكراك
ــــــــــــ رغم الجفا .. لا زال .. يرجي حنينك
* *
بعدك حياتي .. كلها ضيق .. وارباك
ــــــــــــ الواقع .. اللي .. ما تمناه .. عينك
* *
كل المشاعر .. في غيابك .. تحراك
ــــــــــــ تصرخ عليك من الوله .. حيل .. وينك
* *
مقدر على بـُـعدك .. حشى كيف فرقاك
ــــــــــــ هذي الحقيقة .. خلها .. في يقينك
* *
ادري تساومني بروعة .. مزاياك
ــــــــــــ وتدري اضيع .. إليا بدالي .. جبينك
* *
همك عذاب .. اللي نسى الناس .. لرضاك
ــــــــــــ وهمي اشوفك .. مهتني .. في سنينك
* *
لو تطلب اسنين العمر .. من فداياك
ـــــــــــ سلمت لك عمري .. براحت .. يمينك
* *
منك احتملت من الشقى فوق .. ما جاك
ـــــــــــ ذقت العناء والهم .. كني ..حزينك
* *
يكفي .. دخيلك ( حس ) باللي ترجاك
ـــــــــــ لا عاش منهو .. يا حياتي .. يهينك
* *
تعبت مالي .. بالهوى غير .. دنياك
ــــــــــــ مديت لك يمناي .. عطني .. يدينك
* *
اعاهدك .. ببقى على الحب .. منساك ...!!
ـــــــــــ عهد ٍ قطعته .. بين قلبي .. وبينك

[غربة مشاعر]

خذني معك .. من وين ما رحت .. وياك
ــــــــــ خذني بقلبك .. دام قلبي .. رهينك

ملاك الروح

تسلمين على هذه القصيده الرائعه

تميز مستمر أختي الغاليه

دمتي بود

http://img231.imageshack.us/img231/6729/f0574d269f7ni.gif

[امير القلــوب]

همك عذاب .. اللي نسى الناس .. لرضاك
ــــــــــــ وهمي اشوفك .. مهتني .. في سنينك
* *
لو تطلب اسنين العمر .. من فداياك
ـــــــــــ سلمت لك عمري .. براحت .. يمينك


إسلوبي وطبعي معاك من ما عرفتك ما خفا ...
... أعـاند القلب العنيد وأوفي مع اللي هو وفـا
أصفي مع القلب الصدوق لو في غيابي ما صفا ...
... مبداي فـي الدنيـا يقول اللــه علـى الظالـم كبير


أختي :*_*: ملاك الروح :*_*: ..


أيتها المبدعه .. سلمت أناملك على


هذه القصيده والصفحه الجميله


لا حرمني الله من شرف الرد على


صفحاتك

http://alwafevip.jeeran.com/04245ffcbb.gif

[الظامي]

دام الغلا هذا كله اليوم تولاك
ياقلب هوته البنت لا تقطع مواصيلك
خل الهجر
واوقد شموع الوصل
واكتب لها من زين القوافي
شي يعبر عن الاحساس
وينعش هواء الاانفاس
لاجل تصير بالمحبه متعافي
اكتب ولو ماتقدر
اكتب حرف او اكثر
اجمع نبض القصيد في قلب جافي
لعله يرد ويستريح
دامه من هجرك ذبيح
ورجوعك يردله الروح وكافي
قصيده رائعه اختي ومعاني حلوه جدا
لا تحرمينا من جديدك

[سابرينا]

ملاك الروح

من أروع ما قرأت حقيقة ليس لنا حق في الرد بل تنحني الاقلام امام جبروت احساسك

ربما تجهلني

ولكن أتابع ما تكتب بشغف دون علم منك

تحيتيـ بصمت

[غموض]

اعاهدك .. ببقى على الحب .. منساك ...!!
ـــــــــــ عهد ٍ قطعته .. بين قلبي .. وبينك


صـــح لـــســـانـــكـ


ملوووووووووكه .. راااااااائعه


لاعدمنااااااااااااك

[windy]

عذبتني .. واشقيت روح ٍ تمناك
ــــــــــــ لو ( الهوى ) ينطق .. وربي يدينك

رااااااااااااائعة

راااااااااااائعة

رااااااااااااااائعة

يعطيكي الف عافية اختي على روعة الكلمات


دمتي بود الف شكر على هذه الكلمات الجميلة

[الإبتسـامه الدامعـه]

ما اجمل شواطئ حروفك ...

ونمير اصداءك ....

كم ارهقنا الجوع لزاد كلماتك..

لا تحرمينا جديدك..

ارق تحيه،،

[maged]

اعاهدك .. ببقى على الحب .. منساك ...!!
ـــــــــــ عهد ٍ قطعته .. بين قلبي .. وبينك

قليلا من يصدق في عهوده ولكن أمام صدق المشاعر التي عبرتي بها
لا نملك إلا أن نتمني أن نجد من يعاهد ويفي بعهده
رائعة كلماتك أختي وأروع ما فيها صدق المشاعر التي أجدتي في التعبيرعنها