أملى كـــان كداب

[محمد صادق]

فى الجرح نبقى سوا ؟
وفى فرحك كده بتبيعنى ؟
بتجينى عاوز دوا ؟
وفى جرحى بتضيعنى ؟
بتكدب على روحك ..
وتقول إننا أحباب ؟
طاب روح وعد جروحك
وإتأكد م الحساب
وشوف كده كام مره
جرحك كان بسببى
وشوف كمان بالمره
جراحى اللى جوا فى قلبى
شوفها كده وإحسبها
وتعالى هنا وجاوبنى
جراحى اللى إنت سايبها
جوايا بتدوبنى
أداوى فيها إزاى ؟
وأجيب دواها منين ؟
يا خساره يا عمرى الجاى
يا خساره يا أحلى سنين
عديتى كده وخلاص
عديتى كده فى الفاضى
وإحنا اللى قلنا خلاص
هنرتاح بقه المره دى
أتارينا فى الأحلام
وعايشين فى أوهامنا
أتارى كله كلام
يا حب فهمنا ....
بيقولوا الدنيا مش راسيه
وكل يوم تتغير
يعنى يـــوم قاسيه
وتانى يوم تتغير
وأنا ليه كده أيامى ؟
مليانه أسى وهموم
جراحى وحزنى قدامى
وليلى مالوهش نجوم
آه يا شمس نهارى
خبيتى نورك ليه ؟
ياقمرى ليه متدارى ؟
ومُرى بإيه أحليه؟
أغلى الحبايب غدر
باعنى وأنا كنت شارى
أيام وضاعت هدر
ومين حاسس ومين دارى ؟
جوايا الجراح خبيتها
وقلبى مش قدها
أحلام كتيره بنيتها
وأدينى تانى باهدها
آه يا أجمل حلم
خلتنى ليه أغرق ؟
يا قلبى ياللى الظلم
غرب فيك وشرق
إمتى هتنسى الهم؟
لو حتى يوم بس
يا جرح ما بيتلم
ما حد بيك حس
إلا اللى جرب نارك
وزيى عاش فى آلام
إلا اللى داب فى مرارك
وما لاقى حتى كلام
يقوله ويعبر
عن ناره وعذابه
دا الجرح ده أكبر
دا الجرح من أحبابه
اللى كان مآمنلهم
وعايش عشانهم عمره
اللى كان مسلملهم
حياته وكل أمره
ودا اللى واجع قلبى
وتاعبنى ومحسرنى
أديلهم أنا حبى
وجراحهم بتكسرنى
لو حاجه وجعتهم
بأفديهم أنا بسنينى
وأمسح فى دمعتهم
وتسيل دموع عينى
غدارين ومش حبايب
وعمرهم ما حسوا
أنا اللى قلبى خايب
وعمرى ضاع نصه
وأنا ماشى ومش شايف
فى طريق نهايته سراب
وأنا اللى كنت خايف
يجينى الجرح م الأغراب
أتارينى كنت واهم
وأملى كان كداب
كنت مش فاهم
ولما القلب داب ...
والجرح فيه علم
لقيت العمر عدى
لما قلبى إتألم
راجع أنا النهارده
أبكى على حالى
والعمر اللى منى راح
آه ياليالى
يا اللى إتمليتى جراح
أنا حلمى كان مرسوم
وبعينى كنت بأشوفه
أتارى بقه المقسوم
قلبى يعيش فى خوفه
من ذكريات إمبارح
ومن اللى جاى كمان
دا الماضى كان جارح
وبكره مالوهش أمان
دا الجرح كان م الغالى
وآمن لمين تانى
عشانه سهرت ليالى
وأهو للجرح ودانى
وجايلى عاوز دوا
بعد ما قلبك خدعنى
فى الجرح نبقى سوا ؟
وفى فرحك كده بتبيعنى ؟
صعبه قوى المره دى
ومش ممكن أنا هارجع
دا الجرح مش عادى
دا قاسى قوى وبيوجع
جرحى كان منهم
ولا جاش أبداً فى بالى
اللى أنا مآمنهم
وحبيتهم حب غالى
يجرحوا قلبى اللى دايب
هوه ده الحب؟
وهما دول الحبايب ؟
سابولى جراح فى القلب
وأنا اللى كنت سايب
مشاعرى الحلوه رايحالهم
كل الناس تنام
وأنا قلبى يصحالهم
يحس بيهم لو بكوا
ويخفف مواجعــهم
ولو فى يوم إشتكوا
من جرح واجعهم
بتسيل دموع عينى
كنت فاتح حضنى
وفارد دراعينى
أتارى الوهم واخدنى
وأتارينى شايف بعينى
طريق غير طريقى
طريق مليان عذاب
وحب مش حقيقى
وفرحه وأمل كداب .

[جهاد بنت القدس]

رائع
بديعة كلماتك
سعدت بوجودي في صفحتك صدقني

[اصاله العرب كيمو]

عزيزي محمد صادق http://www.l44l.com/up/uploads/2ab5e9d51a.gif (http://www.l44l.com/up)

انا استوطن الحرف
واستعذب لغة تحاكي بها
الارواح
ها انا اقترب من نبض بث صداه
في حنايا الوجدان

ها انا اجثوا امام ليلٍ عانق الصمت
بلهيب شوقه فغاب النداء
وثارت الروح
وكان الحديث عن الوفاء
\
\
محمد صادق

ما اروع البوح الذي نبض به القلب
وما اعذب احساسكَ عزيزي

راقني المكوث وحرفكَ النقي


تقبل مودتي

[جهاد الجزائري]

http://www2.0zz0.com/2008/03/08/16/396566552.gif





دوما رائع ومميز



محمد صادق



سيدي


احساس راقي ... وصدق


سرني دخول متصفحك


سلمت يداك ...


ننتظر جديدك بشوق


لك من الود وافره








http://www2.0zz0.com/2008/03/08/16/396566552.gif

[اشواك الورد]

العزيز محمد صادق
سافرت بين حروفك فوجدت رقة الاحساس
عبرت ورسمت سيمفونية رائعة
سلمت اناملك المبدعة ودامت رقة مشاعرك المرهفة
تقبل منى اكاليل من الورود وعطر الياسمين
اشواك الورد

[اشرف حموده]

عزيزى محمد
لك اسلوب مميز ومعبر
وكلماتك فى غايه الابداع
الغالى محمد الحب سماح
الجرح والعذاب توابل الحب
اتمنى لك التوفيق
مع خالص تحياتى

[الإبتسـامه الدامعـه]

[] الـــــرائع / محمد صـــــــــــــااادق []

أؤكد أن كلماتك رائعة ومعبرة .... أشرقت

كنور الشمس الساطع ... لتُنير لنا تلك المشاعر

الراقية ..... من نفسك العذبة

وتألقت الكلمة في بحور إبداعك

أُجبرتُ حين رأيت اسمك اني على موعد مع الابداع..

تحيتي بعطر الزهور،،

[فوق السحاب]

لن أسمح للجرح بالدخول من جديد

لن أسمح له بتشويش حياتي

وفرض الحزن والكآبه عليها

أنت يا من جرحت وابتعدت

ماعاد ينفعك العذر

فالجرح شرده النكران

والفرح قتله العصيان ...

<
>
<

محمد صادق ..

احساس عالي وتعبير راقي وصادق

بكل ما تحمله الكلمة من معني

نثرت بوحك هنا فتميزت بلونك الخاص

سلمت أناملك على ما خطت من سطور رائعة

مودتي وتقديري ..

[محمد صادق]

جهاد بنت القدس

رائع جدا مرورك

وأسعدنى

أجمل تحيه

[محمد صادق]

أصاله بنت العز

شكرا على حضورك المتميز جدا

لك أطيب تحيه

[محمد صادق]

أشواك الورد

أسعدنى مرورك الرقيق

أجمل تحيه

[محمد صادق]

جهاد الجزائرى

رائع تواصلك

وتواجدك فى صفحاتى

أجمل تحيه

[محمد صادق]

أشرف حموده

أسعدنى جدا مرورك

وردك الجميل

أجمل تحيه

[محمد صادق]

بسومه

كلماتك رائعه تسعدنى

ومرورك يزين صفحتى

أجمل تحيه

[محمد صادق]

فوق السحاب

مرورك الدائم يسعدنى

وكلماتك لها وقع كبير

أجمل تحيه

[الشاعرمحمد جمال]

محمد صادق


ومشاعر متدفقـــة وهطول رائع


لغتك جميلة آســــرة وتعبيراتك رقيقة جدا


أحب مداومة قراءة أشعارك وينسجم نبضى مع حروفك


دمت بكل الخير والسعادة


تقبل تقديرى الشخصى


وتحياتـــــــى

[عيسى العوفي]

جمييييييييييييييييييل

للغااااااااااااااااايه

ماسطره قلمك هنا


يعطيييييييييييييك

العافيه استاذي

[محمد صادق]

الشاعر / محمد جمال

رائع جدا مرورك

لك أجمل التحايا وأعذبها

[محمد صادق]

عيسى العوفى

كل الشكر لمرورك

وردك

أسعدنى جدا

أجمل تحيه