ماتشوفني ميت فيك وانا حي [الأرشيف]

اتعبتني جروحي

06-04-06, 02:16 AM

كيف أطفي الريح بثيابك وكيف اشعلـك
كيف اتنثر على جمـرك وكيـف احتويـك

نقضت ليل الحرير وجيت ما انـت لهلـك
سمّيت باللي فتنـي بـك وقلـت ابتديـك

هذا اول الدرب او هـذا الطريـق اولـك
جيت آتوقّا عذابات المـدى 00واهتديـك

شوقي مسافة وهمساتـك مـدار وفلـك
ان ماظميتك غلـى 00ياعلنـي ماارتويـك

إية اعرفك واعرف اني من غلاك اجهلـك
مرات اضمّك واخاف انـي مشبـة عليـك

مرات اشوفك بنفـس الوقـت واتخيلـك
وانشد كفوفي عن اخر سالفـة مـن يديـك

أعنّ لك لـو تصّـب المـوت واتهيّلـك
واجوع لك وآتمنـى خنجـرك واشتهيـك

ماقلت لك عمر سيف العشـق مايقتلـك
ماتشوفني حي قدامك وانـا امـوت فيـك

اشتقت لك قبل اجيك وجيت واشتقت لك
البارحة طول ليلـي بيـن هـذي وذيـك

مليت جمر انتظـارك واستحيـت أسألـك
واحسبتني ما بعد جيتك وفكـرت اجيـك

اثرك بقلبي من البـارح وانـا استعجلـك
واثري نسيتك من الفرحة وقمـت احتريـك

منقول

عذب القوافي

08-04-06, 08:10 AM

مليت جمر انتظـارك واستحيـت أسألـك
واحسبتني ما بعد جيتك وفكـرت اجيـك

الله الله عليك

صح لسانك مليار شاعرنا المبدع

ننتظر الجديد بشوق شديد

بالتوفيق

الجرح الحزين

08-04-06, 10:57 AM

(سيف العشق)
قصيدة رائعة من روائع مساعد الرشيدي

أتعبتني جروجي نقل موفق

اتعبتني جروحي

08-04-06, 03:04 PM

مشكوره اختي الجرح على المرور الرائع ولكي تحياتي اخوك اتعبتني جروحي