ما كنتــش شايف

[محمد صادق]

خلاص عرفت الحقيقه
وإرتحت أنا منهم
والعيون اللى كانت رقيقه
وأنا كنت مآمنهم
طلعت عيون خاينه
وأنا ما كنتش شايف
خيانتها كانت باينه
حتى كلام الشفايف
اللى ياما قالهولى
كان كله كلام كدب
والحب اللى حبهولى
عمره ما كان م القلب
كنت فاكر الهوا
لقلبى فتح بابه
ولما قلبى إنكوى
وإتألم من عذابه
راح للهوى يحكيله
وسايله الدموع منه
راحله عشان يشكيله
راحله وفاكر إنه
هيداوى جراح حبه
وعنه يشيل الهم
جرح الهوا قلبه
جرح ما يتلم
جرحه جرح قاسى
واللى خانه حبيب...
قولولى يا ناسى
إزاى جراحه تطيب ؟
يداوى جرحه بإيه ؟
يداوى جرحه إزاى ؟
والقلب إيه يشفيه ؟
ويحلى عمره الجاى
ياقلبى ياللى الحيره
سكنت خلاص جواك
ياقلبى جراحك كتيره
وعذابك من هواك
ياقلبى ياللى الشوق
خلى حلوك مُــر
ياقلبى فـــوق
دى السنين بتمر
وإنـت ولا دارى
بالعمر اللى بيعدى
قاعد بس بتـدارى
فى الجرح وتـهدى
ولا إنت حاسس بروحك
ولا حد حاسس بيك
ياقلبى جروحك
بكره هتخليـك
تندم على اللى فات
يا قلبى دقاتك
دقات قلب مات
وكل أوقاتك
فى الذكرى بتقضيها
يا قلبى عيش
ياقلبى عديها
تبكى ليه على خاين
وليه من بكره خايف
غدره كان باين
إنت ما كنتش شايف
يعنى الحق عندك
وإنت فيك العيب
لو إمبارح عاندك..
بكره تلاقى حبيب
مخلص ومش غدار
تعيش معاه أحلامك
سيبها للأقــدار
وبكره هتحلى أيامك
ياقلبى الصبر طيب
بكره تلاقى عيون
بنظره منها تطيب
جراحك وعليك تهون..
كل آلام إمبارح
وجراحك اللى بتوجع
لو الماضى كان جارح
مسير الحب يرجع..
وينور لياليـك
الدنيا ما بتقفش
ياقلبى الله يخليك
ياقلبى ما تخافش
إنسى اللى فات بقه
وإنسى كل الجراح
أيام العذاب والشقا
واللى راح أهو راح
إمبارح خلاص فات
إمبارح خلاص عدى
واللى فات مـات
ومسير الجرح يهدى
تبكى ليه على خاين
وليه من بكره خايف
غـدره كان باين
وإنت ما كنتش شايف

[مجنونة ماجد]

بشرفني كون اول من يرد عالهموضوع الرائع

عن جد شكرا على عدد حروف المكتوبة في المنتدى
تقبل مروري

[شرود قلب]

بتقول على قلبى خانك

والغدر من طبعى

انا اللى نسيت حنانك

والبعد جرح قلبى

عشقتك بكل جوارحى

وما صونت احساسى

طبيعى فى يوم انسى

متلوم على قلبى

اخى الفاضل محمد صادق

كلمات تمتلئ بالاحساس

فهى خرجت من القلب فاصابت القلب

لك منى اغلى تحيه

[جهاد الجزائري]

http://www5.0zz0.com/2007/10/16/20/26361044.gif



http://www.ma7room.com/upload/uploads/485264fbe9.gif (http://www.ma7room.com/upload)


قلبي شاف ... حقيقة مخفية


خلف اقنعة مقيتة


وقرر السفر مجددا


لكن اليوم بمفرده


فقد عاف غدر الناس


محمد صادق


جميل نظمك اخي


ويعجبني في كلماتك... الصراحة والواقعية


سلمت اناملك


لك من الود وافره


http://www.ma7room.com/upload/uploads/083b7c94a2.gif (http://www.ma7room.com/upload)



http://www5.0zz0.com/2007/10/16/20/26361044.gif

[نوآرهـ]

يـآقلبي..قد أظنآكـ النحيبـ..

في ليلٍ..

سكبـ في روحي السوآد الكئيبـ..

همي أصبح للفرح رقيبـ..

يمنعه..عني..

ويهديني اللهيبـ..

يعيشني في زمن المغيبـ..

وغدر..بأيدي الحبيبـ..

\
/

محمد صـآدق..

هآقد عدنـآ..لروآئعكـ..

وهمسـ حرفكـ..

وكلمـآتكـ التي تنثر روعتهـآ.. برقة.. وجمآل..

أبدعتـ..

[شهد الملكه]

اذا أحسست بالوحده
انتظر مجيئك اللي
لكن الان
ليت المجيك يبعد الوحده
بل اصبحت الوحده هي غايتي كي ابتعد عنك
أنا أصبحت أكرهك
نعم أكرهك
لقد كشفتك وعرفتك وعرفت انك كاذب ومخادع
لقد خدعتني
كنت احبك
نعم احبك
واتمني قربك
ولكنك فضلت قبل أن تبتعد
أن تبين لي انك تخون
كي تظهر دموعي
وتنظر اليها
ماذا تستفيد
لقد كسرتني
كم من الاصحاب ودعت لكي ارضيك
لا استطيع التذكر
العيون تغمرها الدمووووع
غايتي الان ليس الكثير بل :
ان تبتعد عن حياتي
وتنساني

محمد صادق
رائعه مشاعرك واحساسك المرهف
وجميل نثرك وبوحك الراقي
لك وافر تحياتي

[ساندى الحزينة]

بتلوم ليه على خاين
والخيانة دى طبعه
كنت فاكره بيحب
كنت عايزه يكون وفى
طيب ويجيب منين الوفا
ما انا قلت لك
ما الخيانة دى طبعه
فاكر الناس كلها زيك
فاكره عنده زى قلبك
تبقى الغلطة غلطتك
وتستاهل يا قلبى وحدتك
وتستاهل تلوم نفسك
وما تلوم يوم على خاين


محمد صادق
ما اصدق كلماتك
وما ارق تعبيراتك
وما اجمل اسلوبك
كلماتك بسيطة مؤثرة
تقبل ودى وتقديرى

[فوق السحاب]

تعلمت أن لا أثق بالقلوب


تعلمت أن القلوب جميعهم أصناف وألوان مزيفة


لقد أصبحت القلوب مجرد زيف مسموم


يوفون .. يحبون .. ويؤتمنون


يحبونهم دون مصلحة أو غاية


وبالرغم من ذلك ..


يخونون .. يجرحون .. ويطعنون


***


محمد صادق ..


تعودنا على الجرح والجرح تعود علينا


وكل مضادات العالم لا تشفيه


بوح أكثر من رائع خرج من قلب صادق


فلامس قلوبنا دونما استئذان


تسلم أناملك على ما كتبت من إبداع


مودتي وتقديري ..

[ملكه الاحساس]

http://hammssalmasha3er.jeeran.com/h32.gif

[محمد صادق]

مجنونة ماجد

ليا الشرف اختى بمرورك

تحيتى لك

[محمد صادق]

شرود قلب

شكرا على مرورك

وكلماتك الجميله

تحيتى لك

[محمد صادق]

جهاد الجزائرى

شكرا على تواصلك الرائع

تحيتى لك

[محمد صادق]

بنت النور

شكرا على اطلالتك الدئمه

تحيتى لك

[محمد صادق]

شهد الملكه

شكرا على الكلمات الجميله

تحيتى لك

[محمد صادق]

فوق السحاب

شكرا على متابعتك وكلماتك الجميله

تحيتى لك

[محمد صادق]

ساندى الحزينه

أسعدنى مرورك

وردك الجميل

تحيتى لك

[محمد صادق]

ملكة الإحساس

شكرا على مرورك الطيب

تحيتى لك

[دندىستار]

محمد صادق

اجمل ما فى كلماتك دائما
الاحساس الصادق الجميل
تسلم يمحمد على كتابتك وقلمك المبدع
دائما
تحياتي لك
تقبل مرورى

[محمد صادق]

دندى ستار

واجمل ما فى الصفحه

هو مرورك وردك

تحيتى لك