كف صفعني نفعني [الأرشيف] - منتديات عديل الروح

صدفة دنياي

17-12-07, 10:52 PM

--------------------------------------------------------------------------------

كل منا تعرض بحياته لكف ... ومب شرط يكون كف = الضرب لا بعض المشاكل والمواقف الي تصادفنا تعبر كالكف الي ينبهنا للي حنا عليه ...

والكل يعرف المثل الي يقول :

كفٍ صفعني نفعني, وكفٍ ضحكلي فدعني

كل واحد منكم يكتب الكف الي نفعه وشو علمه ؟؟ وشو يحس بعد الكف ؟؟

عن نفسي ....

في مره بالمرحلة الاعدادية كنت مب مذاكره الامتحان وخذت 4 من 15 ههه واذكر عاد حزتها المدرسه تضربنا ويتلي المدرسه وجان تضربني وانا الفقيره ايدي صارت خطوط حمره ماترحم ...
اذكر حزتها سرت البيت وجان اخبر امي وكنت عاد اصيح من 4 حصص اقولهم مايخصني بخبر ابوي يعني بخبره حاولو بي مدرساتنا ماشي فايده ..
عاد يقولكم اول ماسرت بيتنا والا احكي القصه لامي وابوي ويقول ابوي ويدق لوزير التربية ويخبره بالسالفه كلها ويشلني احيده عنده ويوريه ايدي ...

عصب ومارضى باللي صار ولليوم الثاني الله وكيلكم ايدي وارمه ههه والا الصبح ثلاث رياييل وياهم مسؤول المنطقه يايين المدرسه واستدعو مدرستنا وانهزبت لين شبعت ... وتمت يومين تصيح وماتحظر تدرسنا ...

وحظرتي والله كنت مب شاطره بالنحو بس عقب الضربه هذيج صرت احسن بنت هههه ويوم وصلت ثانويه عامه المدرسه سرت اودعها عسبت خلص مابنيي مره ثانيه ..
جان تتبسم لي وقالت لي يا بنتي تذكري ان كف صفعني نفعني ولو ماكنت ابغيلج الفايده ماوصلتي للي وصلتي له الحين ..

وصدق صح عورتلي ايدي بس صرت اركز اكثر وافهم اكثر ......

هذا كف ويلا ابا اشوف ردودكم وبخبركم عن الكفوف الثانيه الي اصفعتني يوم فهمت الحياة اكثر .. هذا ابسط كف لي ....

(((دلوعة جدة)))

18-12-07, 03:25 AM

http://www.alamuae.com/gallery/data/media/123/0163.gif
لو ينقل لقسم الحوار افضل

Miss.colors

19-12-07, 12:48 AM

ههههههههههههههههه
سلمتي والله
عني اكلت كف من مامتي في المتوسط يوم رجعتلها وفرحااااااااانه و شهادتي مكتوب فيها ضعيف ساعتها ماقدرت تستحمل اكتر واخدتلك داك الكف ليومك دا ماانساه بطلت استهتار ولعب وسرت مجتهده وكل يوم استلم فيه شهاده شكر وتقدير اسلم عليها واشكرها لانها لوماضربتني مدري فين كنت حكون<<<امكن ماتحركت من مدرسه المتوسط واسير من اثارها النادره كمان

دلع وجنوون؟

19-12-07, 06:41 AM

هههههههههههههههه

ياما اخنا كفووووف وحنا صغار بس انا

ماذكر ولا كف

تحيتي لك
مجروحه بس مو من كف

صدفة دنياي

19-12-07, 07:59 PM

تسلمو على الردود الرائعه

أوراق وردية

20-12-07, 02:59 AM

شكرا لك
على روعه الطرح

تحيااااتي