يــــــا بحــــــر فينــــي .... من الحــــــــزن !!...

[روح المشاعر]

يابحر .. فيني من الحزن .. كثر مافيك ..

من حزن .. وأوجاع .. وغياب .. وغرايب !!


لاتلومني إليا شفتني .. دايم أجيك ..

ولاشفتني دايم .. على الشط .. ذايب !!


حزني كبير .. أكبر من حدود .. شاطيك ..

وأقسى من جروح الزمان .. العطايب !!


وإن كان تنشدني فأنا .. مقدر أخفيك ..

دايم أظن .. ويطلع الظن .. خايب !!


في هالزمن .. أقرب حبايبك .. يشقيك ..

إلين تدفع في غلاه .. الضرايب !!


من بعد هذا .. يبتعد عنك .. ويجفيك ..

ماكنه .. بجنبك .. قضى الوقت .. طايب !!


وإلا .. الخوي اللي توقعت .. يفديك ..

يفديك بعمره .. لاغدت بك .. نشايب !!


صـد .. وتصـدد .. مايبي سامع .. طاريك ..

وياما .. أنت دونه .. أتعبتك .. الطلايب !!


لاتقول لي .. بدري .. وتوك .. ويمديك ..

وتعال .. وأسمع باقي الهرج .. صايب !!


خلك بحالك .. وأطـلب الرب .. يهديك ..

ولاتنشد اللي غاب .. وين أنت .. غايب !!



وإن شفتني غايب .. عن حدود .. شاطيك ..

أعرف تراني .. تحت ذيك .. النصايب !!



وأعرف تراني .. دايم إن ضقت .. بآجيك ..

لأني .. أنا والموج .. صرنا حبايب !!


م.ق

[ديواان الاماراات]

وإن شفتني غايب .. عن حدود .. شاطيك ..
أعرف تراني .. تحت ذيك .. النصايب !!

وأعرف تراني .. دايم إن ضقت .. بآجيك ..
لأني .. أنا والموج .. صرنا حبايب !!


روح المشاعر


سلمت اديييييك ع القصيده الرائعه

راعي ذوق شعري بدون ادنى شك

اختيار موفق لاهنت ياخوي عليه

بشوووق ليديدك


تقبل مروري

[متربع]

سلمت يداك علا الاختيار الموفق اتمنالك التوفيق وتقبل مروري اخوك متربع
:41:

[روح المشاعر]

مـشكورررر ديـواان ع مـرورك الـرائع

[جرح السنين]

نبض الحـروف

صح السان من قالها.. وسلمت يمنـاك ع النقل

الرائع والأختيـار الموفق

دمت بـود

اخوك جرح السنين

[روح المشاعر]

مشكوررررر متربع ع مرورك الكريم

[روح المشاعر]

مشكوررررر جرح السنين ع مرورك العطر