الجوكر
19-02-06, 02:27 PM
من خلال بعض الأسئلة والاستجوابات وكل ما هو آت، أخبرتنا "دعاء رمزي" عن ملاحظاتها بخصوص يوم الفالنتين المشهود حيث تقول:
فيه ناس بتعتبره مناسبة سعيدة، وناس بتعتبره تقليعة والاحتفال بيه حرام، وناس تانية لا كده ولا كده وبتعتبره عادي.. لا هو كويس ولا هو وحش، وزيه زي أي يوم تاني.. فتعالوا بصوا وطلوا معانا على الآراء المختلفة وعرفنا رأيك إيه في يوم الحب.
إيه العبط ده؟!!
باستنكار واستغراب شديد جدا بصت لي "منار" (20 سنة) وقالت لي إيه العبط ده؟ ولما سألتها باستغراب أشد.. عبط؟!!
قالت لي أيوه كل بنت في اليوم ده تمسك لي دبدوب ولا قطة وفي رقبتها قلب أحمر وتقولي بحب، والحب مش كده خالص فالحب مالهوش عيد، مش ألاقي كل بنت كل حياتها بقت حمرا والزهق ده، لكن الحب أصلا مش كده فالحب أعمق من كده بكتير، ومش بس هدايا ولعب وخلاص.
ثم هو أصلا عيد مش بتاعنا ومش مننا... وأنا مش بارفضه بس علشان كده، لأن عيد الأم مثلا عيد غربي برضه، لكن مابيحصلش فيه حاجات خارجة عن تقالدينا، فعيد الحب ده ممكن يكون مناسبة للتعبير عن المشاعر لكن بطريقة تحافظ على عاداتنا وتقالدينا، وأنا بالنسبة لي بقضي الفالنتين في البيت زي أي يوم عادي لأني لسه ماحبتش ومتهيألي حتى لو بحب مش ممكن هاقضيه بالطريقة اللي باسمع عنها وباشوفها مع معظم الناس فالحب بالنسبة لي أنبل من كده بكتير.
تلاكيك
أما "علا" (19 سنة) فقالت لي: هو كويس، وفرصة إن الواحد يعبر عن مشاعره، وده حتى بين الأصحاب فهو بيعتبر (تلكيكة) للتعبير عن المشاعر، وده طبعا حاجة غير اللي بتكون بين الـ(couples) اللي بصراحة ممكن يعبروا بطريقة مش حلوة عن مشاعرهم.
وأنا في اليوم ده بحب أتفرج على الناس وعلى الشوارع؛ فالدنيا كلها بتكون حمرا وباحس إن الناس كلها بتحب بعض، فهو ممكن يكون فرصة إننا نكلم ناس زعلانين منهم، فالاحتفال بالعيد ده مش مفروض يقتصر على الولد والبنت اللي بيحبوا بعض بس لكن يكون الاحتفال بيه بين كل الناس علشان يكون عيد بجد مش مجرد تقاليع.
ليه الدوشة دي
ولما سألت "سامح" (17 سنة) عن رأيه في الـ(valentine day) بص لي قوي وماقالش حاجة لدرجة إني افتكرت إنه مايعرفش يعني إيه (valentine) فترجمتها بالعربي وقلت له يعني يوم الحب، فقال لي أيوه أنا فاهم بس أصل أنا مش عارف أقول إيه.. هم الناس ليه عاملين دوشة على اليوم ده؟ هو بيكون يوم كويس وزيه زي أي يوم تاني، واللي عايز يحتفل بيه يحتفل، واللي مش عايز هو حر، وأنا بالنسبة لي باقضيه في البيت.. عادي يعني مش فارق معايا كتير زيه زي أي يوم تاني، لكن متهيألي لو حبيت ممكن يختلف شوية.. يعني على الأقل ساعتها هاتّصل بحبيبتي وأقول ليها كل سنة وهي طيبة وحاجات زي كده يعني.. لكن هو يوم حلو.
مناسبة حلوة
وبالنسبة لـ"هايدي" (18 سنة) فالفالنتين مناسبة حلوة جدا (وخصوصا بعد لما اتخطبت) فهي بتخرج فيه مع خطيبها وبتقدم له هدية وبتستنى هديته بفارغ الصبر وقالت ده يمكن يجرالي حاجة لو ماجبتش الهدية في اليوم ده.
وبصراحة حتى قبل ما اتخطب برضه كان بالنسبة لي مناسبة حلوة وكنت باجيب ورد لأصحابي، وكنا بنخرج مع بعض ونتفسح فيه ونتفرج على الناس وعلى الشوارع؛ لإن شكلها بيكون حلو قوي وجديد ومختلف عن طول السنة، وأنا مش مع الناس اللي بتهاجم الاحتفال باليوم ده؛ لأنه مناسبة زي أي مناسبة بتمر بينا وبنحتفل بيها فالواحد مابيصدق حاجة مختلفة يتبسط فيها ويحتفل بيها.
مين عارف
أما "إسلام" (17سنة) فأول ما سألته: إيه رأيك في يوم الحب؟ افتكرني باهزر أو افتكر إنه ماسمعش صح وقال لي: في اليوم ده بصراحة باقعد أضحك على الناس اللي ماسكة هدايا حمرا وباقول دي ناس فاضية وبيتلككوا وخلاص، وأنا يمكن باقول كده علشان لسه ماحبتش ويمكن لما أحب أغير رأيي وأعمل زي الناس دي ما بتعمل وأشتري برضه هدايا لونها أحمر وأحب أتمشى في الشوارع وأتفرج عليها.. مين عارف؟ لكن أنا دلوقتي هو بالنسبة لي يوم عادي خالص زي أي يوم تاني.
لما تحكي ريمــا..!!
ما رصدته "دعاء سمير" كان كالتالي.. نترك "المايك" لها الآن..
عيد الحب...
يوم –في نظرهم- ليس كباقي الأيام. ترتدي فيه الدنيا كل تنويعات الوردي والأحمر والحياة تكون في نظرهم لونها "بمبي" مع أنه يأتي في عز الشتاء لما تكون السماء رمادية. لكنهم –مع ذلك- يحتفلون به.. كلٌ على طريقته أو كما تهوى حبيبته!!
ريما 23 سنة..
كانت تشبهه هي الأخرى في لونه لما سألتها كيف تقضينه وأنا أعرف أنه بسؤالي وضعتُ أمامَها حقيقة أنها تحب واختصرتُ بذلك طريقا قد يطول من اللون الأحمر والضحكات المكتومة والخجل المحبب..
قالت لي: "باكون مستنياه بفارغ الصبر، أصلي ملتزمة وخجولة وهو برضه محترم.. فباحس إن اليوم ده هو الفرصة اللي ممكن نقول فيها لبعض إننا بنحب بعض. وهي دي الفرصة اللي تخلينا نعبر عن حبنا من غير مبرر ومن غير ما حد منا يستغرب أو يسخر من التاني ويقول له إيه حكايتك النهاردة؟!! ومن غير ما يكون فيه احتمال إن حد فينا تعبان ومش فايق.
وأنا باعمل حيلة عشان اتفاجئ باليوم مع إني عارفة معاده. باعتبر إن شهر يناير بينتهي ليلة يوم 14 فبراير... عشان مافضلش أحسب ومافضلش أرسم اليوم على كيفي مع إني باكون عارفة هنعمل فيه ايه.."
اعتدلتْ في جلستها وتدفق الدم في وجهي بالتالي متحمسة لسماعها..
قالت:
"عارفة... احنا أصلاً مخطوبين عن قصة حب من 3 سنين.. كل سنة في اليوم ده بنروح الكافيه اللي فاتِحني فيه واعترف لي بحبه بعد ما اتغدينا كلنا أنا وهو وأصحابنا وخدني على جنب عشان كلمتين... وماطلعوش كلمتين خالص... هأهأهأ
وتخرج منها ضحكة جميلة عالية، وهي تتذكر ما حدث.. وتكمل:
بنقعد شوية نتكلم عن الحركات اللي كان كل واحد بيعملها، ورد التاني عليه من غير كلام. ونفتكر ازاي كان فيه حاجات بتتفهم غلط، وازاي الموقف الفلاني زعلنا من بعض بس فهمنا بعضنا بعده أكتر.. لأ.. ومش بس بنفضل نحكي في اللي كان.. احنا كمان بنتكلم عن بيتنا اللي بنجهز له سوا.. بيتنا واسع وجميل مع إني كان نفسي يكون صغير وعلى قدنا ويكبر معانا!!
بس اللي يضحك بجد إننا في كل مرة نتفق إننا نقعد ساعة واحدة ونخرج بعدها نتفسح وفي كل مرة الوقت بيعدي ونلاقي الساعة عدت وراها ساعة من غير ما نحس. كل مرة طبعا بيجيب لي هدية، وأنا كمان باجيب له هدية. بس أنا لاحظت حاجة، إننا بعد ما اتخطبنا هدايانا بقت أجمل وقيّمة ومفيدة.. مش دباديب وقلوب حمرا وورد زي زمان. طبعا الورد ده لازم، لكن هو مثلاً يوم الحب السنة اللي فاتت جاب لي خاتم جميل بفص فيروز؛ لأني بحب اللون الأزرق ودرجاته، وأنا جبت له كرافت محترم وبرفان كان نفسه فيه.
نفسي بقى ربنا يكرمنا وييجي اليوم اللي أكون عارفة فيه مقاسه عشان أجيب له بدلة هاموت وأشوفها عليه... ونفسي ييجي اليوم اللي تكون هديته لي في اليوم ده "فستان للبيبي بتاعنا"... ما احنا هنفضل نحتفل بيه طول عمرنا بعد ما نتجوز.
كانت "ريما" قد وصلت لدرجة عالية من الانفعال وسحبتني معها... وبعد أن كانت تفرك يديها وتتلاعب بحزام شنطتها، صارت تشير بهما وتقفز في جلستها وتجول بعينيها في الهواء وكأنها ترى ما تحكي عنه سواء كان حدث أم تتمنى أنه يحدث..
كنت قد تركت نفسي أمامها لتسترسل هي في الكلام...
أخذت نفساً عميقاً وهي تقول: "الحمد لله". وكادت تعود بظهرها للوراء لتأخذ راحة من حماسها وفرحتها بما كان وما سيكون، إلا أنها مالت عليّ فجأة وقالت لي:
أقول لك سر؟
احنا لينا عيد حب تاني خاص بينا... عارفة امتى؟
اليوم اللي هو اضطر مش آسفاً إنه يقول لي فيه: "أنا بحبك وحبيتك وكفاية كده وعايز أتجوزك"..
حب و....
"أدهم" كان شاب "روش" وحسيت إنه عملي وخفة دمه كانت غالبة وواضحة حتى في هيئته وملامحه... تكلم بسرعة وهو رافض أصلا فكرة عيد الحب لكنه مرغم على تقبلها وعمل الطقوس اللازمة لها..
"أنا باموت فيها ومش باقدر أستحمل زعلها الجامد على حاجات ممكن أعملها. فمافيش مشكلة إني أتنازل حبتين وأحسسها إننا بنحب بعض. أصل يعني إيه عيد أو يوم الحب بالعقل كده؟! هل لو الناس اللي بتحب بعضها ماحتفلتش بيه يبقوا مش بيحبوا بعض؟ طيب، واشمعنى اللي بيحبوا بعض حب عاطفي هم اللي يخرجوا ويجيبوا هدايا لبعضهم؟ يعني هم بس اللي بيحبوا؟ أمال الأهل والأصدقاء والحبايب بصفة عامة راحوا فين؟؟!!"
طبعا هي مرة واحدة اللي تجرأت بسلامتي وناقشتها في الموضوع ده... وكانت التكشيرة هي جزائي طول الأسبوع...
المهم، بنتقابل في أي مكان بعيد عن الجامعة لأني باحس إننا في اليوم ده عاملين زي طلبة المدارس –ده في حالة إذا عملوا زي للمدراس أحمر وأبيض- ونمسك ورد وإنتم عارفين الباقي!! مش بحب أكون شبه باقي الناس... طبعا باتكلف في اليوم ده تكلفة محترمة باحوش لها من العيد للعيد، وكله بيروح في الهبـ... في أشياء مفيش منها فايدة.. شوية ورد على شيكولاتة على دباديب وحاجات كده البنات بتحبها مش عارف ليه...
على فكرة أنا مرة اقترحت عليها إنها تعمل معرض للدباديب اللي عندها في البيت بدل ما هم محبوسين في الدولاب وفي المكتبة!! بس اللي بجد باستمتع بيه في كل مرة وأنا باعمله.. والحاجة اللي باعتبرها هدية بجد مع إني مش غاوياها قوي زي التانيين.. هي الكلمة أو نسميها الجواب اللي باكتبه ليها في اليوم ده..
وأنا باكتبه باكون فرحان وخايف..
فرحان لأني بعبَّر عن اللي جوايا بالطريقة اللي أنا عايزها... وقلقان من الزمن يخليني مش قادر أكون اللي باكتبه ليها في الورقة دي..!! يارب قدرني...
خفض صوت "أدهم" ونزل لسلم ثانٍ وكأن أحدهم قد وضع ثقلاً عليه..
فيه ناس بتعتبره مناسبة سعيدة، وناس بتعتبره تقليعة والاحتفال بيه حرام، وناس تانية لا كده ولا كده وبتعتبره عادي.. لا هو كويس ولا هو وحش، وزيه زي أي يوم تاني.. فتعالوا بصوا وطلوا معانا على الآراء المختلفة وعرفنا رأيك إيه في يوم الحب.
إيه العبط ده؟!!
باستنكار واستغراب شديد جدا بصت لي "منار" (20 سنة) وقالت لي إيه العبط ده؟ ولما سألتها باستغراب أشد.. عبط؟!!
قالت لي أيوه كل بنت في اليوم ده تمسك لي دبدوب ولا قطة وفي رقبتها قلب أحمر وتقولي بحب، والحب مش كده خالص فالحب مالهوش عيد، مش ألاقي كل بنت كل حياتها بقت حمرا والزهق ده، لكن الحب أصلا مش كده فالحب أعمق من كده بكتير، ومش بس هدايا ولعب وخلاص.
ثم هو أصلا عيد مش بتاعنا ومش مننا... وأنا مش بارفضه بس علشان كده، لأن عيد الأم مثلا عيد غربي برضه، لكن مابيحصلش فيه حاجات خارجة عن تقالدينا، فعيد الحب ده ممكن يكون مناسبة للتعبير عن المشاعر لكن بطريقة تحافظ على عاداتنا وتقالدينا، وأنا بالنسبة لي بقضي الفالنتين في البيت زي أي يوم عادي لأني لسه ماحبتش ومتهيألي حتى لو بحب مش ممكن هاقضيه بالطريقة اللي باسمع عنها وباشوفها مع معظم الناس فالحب بالنسبة لي أنبل من كده بكتير.
تلاكيك
أما "علا" (19 سنة) فقالت لي: هو كويس، وفرصة إن الواحد يعبر عن مشاعره، وده حتى بين الأصحاب فهو بيعتبر (تلكيكة) للتعبير عن المشاعر، وده طبعا حاجة غير اللي بتكون بين الـ(couples) اللي بصراحة ممكن يعبروا بطريقة مش حلوة عن مشاعرهم.
وأنا في اليوم ده بحب أتفرج على الناس وعلى الشوارع؛ فالدنيا كلها بتكون حمرا وباحس إن الناس كلها بتحب بعض، فهو ممكن يكون فرصة إننا نكلم ناس زعلانين منهم، فالاحتفال بالعيد ده مش مفروض يقتصر على الولد والبنت اللي بيحبوا بعض بس لكن يكون الاحتفال بيه بين كل الناس علشان يكون عيد بجد مش مجرد تقاليع.
ليه الدوشة دي
ولما سألت "سامح" (17 سنة) عن رأيه في الـ(valentine day) بص لي قوي وماقالش حاجة لدرجة إني افتكرت إنه مايعرفش يعني إيه (valentine) فترجمتها بالعربي وقلت له يعني يوم الحب، فقال لي أيوه أنا فاهم بس أصل أنا مش عارف أقول إيه.. هم الناس ليه عاملين دوشة على اليوم ده؟ هو بيكون يوم كويس وزيه زي أي يوم تاني، واللي عايز يحتفل بيه يحتفل، واللي مش عايز هو حر، وأنا بالنسبة لي باقضيه في البيت.. عادي يعني مش فارق معايا كتير زيه زي أي يوم تاني، لكن متهيألي لو حبيت ممكن يختلف شوية.. يعني على الأقل ساعتها هاتّصل بحبيبتي وأقول ليها كل سنة وهي طيبة وحاجات زي كده يعني.. لكن هو يوم حلو.
مناسبة حلوة
وبالنسبة لـ"هايدي" (18 سنة) فالفالنتين مناسبة حلوة جدا (وخصوصا بعد لما اتخطبت) فهي بتخرج فيه مع خطيبها وبتقدم له هدية وبتستنى هديته بفارغ الصبر وقالت ده يمكن يجرالي حاجة لو ماجبتش الهدية في اليوم ده.
وبصراحة حتى قبل ما اتخطب برضه كان بالنسبة لي مناسبة حلوة وكنت باجيب ورد لأصحابي، وكنا بنخرج مع بعض ونتفسح فيه ونتفرج على الناس وعلى الشوارع؛ لإن شكلها بيكون حلو قوي وجديد ومختلف عن طول السنة، وأنا مش مع الناس اللي بتهاجم الاحتفال باليوم ده؛ لأنه مناسبة زي أي مناسبة بتمر بينا وبنحتفل بيها فالواحد مابيصدق حاجة مختلفة يتبسط فيها ويحتفل بيها.
مين عارف
أما "إسلام" (17سنة) فأول ما سألته: إيه رأيك في يوم الحب؟ افتكرني باهزر أو افتكر إنه ماسمعش صح وقال لي: في اليوم ده بصراحة باقعد أضحك على الناس اللي ماسكة هدايا حمرا وباقول دي ناس فاضية وبيتلككوا وخلاص، وأنا يمكن باقول كده علشان لسه ماحبتش ويمكن لما أحب أغير رأيي وأعمل زي الناس دي ما بتعمل وأشتري برضه هدايا لونها أحمر وأحب أتمشى في الشوارع وأتفرج عليها.. مين عارف؟ لكن أنا دلوقتي هو بالنسبة لي يوم عادي خالص زي أي يوم تاني.
لما تحكي ريمــا..!!
ما رصدته "دعاء سمير" كان كالتالي.. نترك "المايك" لها الآن..
عيد الحب...
يوم –في نظرهم- ليس كباقي الأيام. ترتدي فيه الدنيا كل تنويعات الوردي والأحمر والحياة تكون في نظرهم لونها "بمبي" مع أنه يأتي في عز الشتاء لما تكون السماء رمادية. لكنهم –مع ذلك- يحتفلون به.. كلٌ على طريقته أو كما تهوى حبيبته!!
ريما 23 سنة..
كانت تشبهه هي الأخرى في لونه لما سألتها كيف تقضينه وأنا أعرف أنه بسؤالي وضعتُ أمامَها حقيقة أنها تحب واختصرتُ بذلك طريقا قد يطول من اللون الأحمر والضحكات المكتومة والخجل المحبب..
قالت لي: "باكون مستنياه بفارغ الصبر، أصلي ملتزمة وخجولة وهو برضه محترم.. فباحس إن اليوم ده هو الفرصة اللي ممكن نقول فيها لبعض إننا بنحب بعض. وهي دي الفرصة اللي تخلينا نعبر عن حبنا من غير مبرر ومن غير ما حد منا يستغرب أو يسخر من التاني ويقول له إيه حكايتك النهاردة؟!! ومن غير ما يكون فيه احتمال إن حد فينا تعبان ومش فايق.
وأنا باعمل حيلة عشان اتفاجئ باليوم مع إني عارفة معاده. باعتبر إن شهر يناير بينتهي ليلة يوم 14 فبراير... عشان مافضلش أحسب ومافضلش أرسم اليوم على كيفي مع إني باكون عارفة هنعمل فيه ايه.."
اعتدلتْ في جلستها وتدفق الدم في وجهي بالتالي متحمسة لسماعها..
قالت:
"عارفة... احنا أصلاً مخطوبين عن قصة حب من 3 سنين.. كل سنة في اليوم ده بنروح الكافيه اللي فاتِحني فيه واعترف لي بحبه بعد ما اتغدينا كلنا أنا وهو وأصحابنا وخدني على جنب عشان كلمتين... وماطلعوش كلمتين خالص... هأهأهأ
وتخرج منها ضحكة جميلة عالية، وهي تتذكر ما حدث.. وتكمل:
بنقعد شوية نتكلم عن الحركات اللي كان كل واحد بيعملها، ورد التاني عليه من غير كلام. ونفتكر ازاي كان فيه حاجات بتتفهم غلط، وازاي الموقف الفلاني زعلنا من بعض بس فهمنا بعضنا بعده أكتر.. لأ.. ومش بس بنفضل نحكي في اللي كان.. احنا كمان بنتكلم عن بيتنا اللي بنجهز له سوا.. بيتنا واسع وجميل مع إني كان نفسي يكون صغير وعلى قدنا ويكبر معانا!!
بس اللي يضحك بجد إننا في كل مرة نتفق إننا نقعد ساعة واحدة ونخرج بعدها نتفسح وفي كل مرة الوقت بيعدي ونلاقي الساعة عدت وراها ساعة من غير ما نحس. كل مرة طبعا بيجيب لي هدية، وأنا كمان باجيب له هدية. بس أنا لاحظت حاجة، إننا بعد ما اتخطبنا هدايانا بقت أجمل وقيّمة ومفيدة.. مش دباديب وقلوب حمرا وورد زي زمان. طبعا الورد ده لازم، لكن هو مثلاً يوم الحب السنة اللي فاتت جاب لي خاتم جميل بفص فيروز؛ لأني بحب اللون الأزرق ودرجاته، وأنا جبت له كرافت محترم وبرفان كان نفسه فيه.
نفسي بقى ربنا يكرمنا وييجي اليوم اللي أكون عارفة فيه مقاسه عشان أجيب له بدلة هاموت وأشوفها عليه... ونفسي ييجي اليوم اللي تكون هديته لي في اليوم ده "فستان للبيبي بتاعنا"... ما احنا هنفضل نحتفل بيه طول عمرنا بعد ما نتجوز.
كانت "ريما" قد وصلت لدرجة عالية من الانفعال وسحبتني معها... وبعد أن كانت تفرك يديها وتتلاعب بحزام شنطتها، صارت تشير بهما وتقفز في جلستها وتجول بعينيها في الهواء وكأنها ترى ما تحكي عنه سواء كان حدث أم تتمنى أنه يحدث..
كنت قد تركت نفسي أمامها لتسترسل هي في الكلام...
أخذت نفساً عميقاً وهي تقول: "الحمد لله". وكادت تعود بظهرها للوراء لتأخذ راحة من حماسها وفرحتها بما كان وما سيكون، إلا أنها مالت عليّ فجأة وقالت لي:
أقول لك سر؟
احنا لينا عيد حب تاني خاص بينا... عارفة امتى؟
اليوم اللي هو اضطر مش آسفاً إنه يقول لي فيه: "أنا بحبك وحبيتك وكفاية كده وعايز أتجوزك"..
حب و....
"أدهم" كان شاب "روش" وحسيت إنه عملي وخفة دمه كانت غالبة وواضحة حتى في هيئته وملامحه... تكلم بسرعة وهو رافض أصلا فكرة عيد الحب لكنه مرغم على تقبلها وعمل الطقوس اللازمة لها..
"أنا باموت فيها ومش باقدر أستحمل زعلها الجامد على حاجات ممكن أعملها. فمافيش مشكلة إني أتنازل حبتين وأحسسها إننا بنحب بعض. أصل يعني إيه عيد أو يوم الحب بالعقل كده؟! هل لو الناس اللي بتحب بعضها ماحتفلتش بيه يبقوا مش بيحبوا بعض؟ طيب، واشمعنى اللي بيحبوا بعض حب عاطفي هم اللي يخرجوا ويجيبوا هدايا لبعضهم؟ يعني هم بس اللي بيحبوا؟ أمال الأهل والأصدقاء والحبايب بصفة عامة راحوا فين؟؟!!"
طبعا هي مرة واحدة اللي تجرأت بسلامتي وناقشتها في الموضوع ده... وكانت التكشيرة هي جزائي طول الأسبوع...
المهم، بنتقابل في أي مكان بعيد عن الجامعة لأني باحس إننا في اليوم ده عاملين زي طلبة المدارس –ده في حالة إذا عملوا زي للمدراس أحمر وأبيض- ونمسك ورد وإنتم عارفين الباقي!! مش بحب أكون شبه باقي الناس... طبعا باتكلف في اليوم ده تكلفة محترمة باحوش لها من العيد للعيد، وكله بيروح في الهبـ... في أشياء مفيش منها فايدة.. شوية ورد على شيكولاتة على دباديب وحاجات كده البنات بتحبها مش عارف ليه...
على فكرة أنا مرة اقترحت عليها إنها تعمل معرض للدباديب اللي عندها في البيت بدل ما هم محبوسين في الدولاب وفي المكتبة!! بس اللي بجد باستمتع بيه في كل مرة وأنا باعمله.. والحاجة اللي باعتبرها هدية بجد مع إني مش غاوياها قوي زي التانيين.. هي الكلمة أو نسميها الجواب اللي باكتبه ليها في اليوم ده..
وأنا باكتبه باكون فرحان وخايف..
فرحان لأني بعبَّر عن اللي جوايا بالطريقة اللي أنا عايزها... وقلقان من الزمن يخليني مش قادر أكون اللي باكتبه ليها في الورقة دي..!! يارب قدرني...
خفض صوت "أدهم" ونزل لسلم ثانٍ وكأن أحدهم قد وضع ثقلاً عليه..