الجوكر
19-02-06, 03:20 PM
يوم الفالنتين في مصر يوم غير أي يوم تاني تلاقي فجأة الحياة بقى لونها أحمر، والدنيا اتملت ورد وقلوب ودباديب وشيكولاتة والبنات لابسة أحمر وكله شايل هدية وتلاقي اليوم ده بيبدأ بالزحف المقدس لمحلات اللعب والهدايا –اللي كلها صنع في الصين- والورد علشان كل طرف يقدر يحط ايده على أكبر قدر ممكن من الهدايا يديها للطرف التاني (واللي غالبا يا بتترد له لما العلاقة بتفشل أو بتتم معايرته بيها على طريقة فاكرة جبت ليكِ إيه في الفالنتين؟ ده لو نجحت).
الفالنتين ده المفروض إنه يوم اتعمل علشان أي اتنين بيحبوا بعض بيخصصوا الوقت ده لبعض وعلشان يفتكروا الذكرى دي بيحاولوا يقدموا حاجة من صنع إيدهم مع وردة وكارت برضه علشان تفكرهم الحاجات دي ببعض، واليوم الحلو اللي قضوه سوا، أما عندنا بقى الموضوع تجاري بحت -زي كده ما عيد الأم بقى تجاري بحت- هدية وخلاص.
احنا ليه حولنا اليوم ده لعيد تجاري في حين اللي عملوه نفسهم مابيفكروش كده؟ مابقولش إنهم ملايكة.. فيه منهم اللي بيعملوا زينا ويجيبوا حاجات جاهزة، بس فيه برضه النوع التاني.. ادخل كده واعمل بحث باللغة الإنجليزية هتلاقي آلاف الصفحات اللي بتتكلم عن ازاي تعمل هديتك بأبسط الأثمان ومن صنع يديك.
لكن عندنا اليوم ده يعني فسحة وورد وهدية.. ده فيه ناس بتجيب الحاجات دي، وهم عارفين إنهم لا بيحبوا الطرف ده ولا حاجة.. عارفين إن علاقتهم مش هتكمل، وبرضه لأن الحكاية بقت مجرد أداء واجب وحاجة لازم تتعمل تلاقيهم جايبين هدايا وورد لبعض ومش مهم إيه اللي يحصل بعد كده.. أهم حاجة التقليد.
مع إن اليوم ده اتعمل أصلا علشان الناس تتجوز فيه لأن القائد الروماني منع الجواز علشان الجنود بيخافوا يروحوا الحرب ويسيبوا زوجاتهم وأبناءهم لوحدهم.. يعني اليوم ده أصلا كان احتفالية بالجواز والحب.. لكن احنا اختصرناه في حاجات مادية مابتمثلش حاجة.. يعني الواحد متهيألي هيبقى فرحان أكتر لما في اليوم ده الشخص اللي بيحبه يقدم ليه كارت من صنع إيديه وكاتب فيه اللي في قلبه، مش جايب ليه كيلو شيكولاته وبوكيه ورد.. ياريت نحاول نعمل كده.
احنا مابندعيش الناس للاحتفال باليوم ده بس باقول لو هتحتفلوا يبقى حاولوا الموضوع يكون بسيط مش مجرد تفاخر "شوفوا فلان جاب لفلانة إيه".. ويرد عليها واحد يقول ليها "تستاهل يجيب ليها، ما هي جابت ليه كمان كذا". تعالوا نعيش الحالة.. تعالوا في اليوم ده مانفكرش في الماديات.. تعالوا نحتفل صح.. اظهر حبك للكل لأهلك وأصحابك والشخص اللي بتحبه بطريقة سهلة وبسيطة، وافتكر إن المستفيدين الوحيدين من الفالنتين ده هم أصحاب محلات الورد والهدايا و... الصين
هههههههههههههههه
الفالنتين ده المفروض إنه يوم اتعمل علشان أي اتنين بيحبوا بعض بيخصصوا الوقت ده لبعض وعلشان يفتكروا الذكرى دي بيحاولوا يقدموا حاجة من صنع إيدهم مع وردة وكارت برضه علشان تفكرهم الحاجات دي ببعض، واليوم الحلو اللي قضوه سوا، أما عندنا بقى الموضوع تجاري بحت -زي كده ما عيد الأم بقى تجاري بحت- هدية وخلاص.
احنا ليه حولنا اليوم ده لعيد تجاري في حين اللي عملوه نفسهم مابيفكروش كده؟ مابقولش إنهم ملايكة.. فيه منهم اللي بيعملوا زينا ويجيبوا حاجات جاهزة، بس فيه برضه النوع التاني.. ادخل كده واعمل بحث باللغة الإنجليزية هتلاقي آلاف الصفحات اللي بتتكلم عن ازاي تعمل هديتك بأبسط الأثمان ومن صنع يديك.
لكن عندنا اليوم ده يعني فسحة وورد وهدية.. ده فيه ناس بتجيب الحاجات دي، وهم عارفين إنهم لا بيحبوا الطرف ده ولا حاجة.. عارفين إن علاقتهم مش هتكمل، وبرضه لأن الحكاية بقت مجرد أداء واجب وحاجة لازم تتعمل تلاقيهم جايبين هدايا وورد لبعض ومش مهم إيه اللي يحصل بعد كده.. أهم حاجة التقليد.
مع إن اليوم ده اتعمل أصلا علشان الناس تتجوز فيه لأن القائد الروماني منع الجواز علشان الجنود بيخافوا يروحوا الحرب ويسيبوا زوجاتهم وأبناءهم لوحدهم.. يعني اليوم ده أصلا كان احتفالية بالجواز والحب.. لكن احنا اختصرناه في حاجات مادية مابتمثلش حاجة.. يعني الواحد متهيألي هيبقى فرحان أكتر لما في اليوم ده الشخص اللي بيحبه يقدم ليه كارت من صنع إيديه وكاتب فيه اللي في قلبه، مش جايب ليه كيلو شيكولاته وبوكيه ورد.. ياريت نحاول نعمل كده.
احنا مابندعيش الناس للاحتفال باليوم ده بس باقول لو هتحتفلوا يبقى حاولوا الموضوع يكون بسيط مش مجرد تفاخر "شوفوا فلان جاب لفلانة إيه".. ويرد عليها واحد يقول ليها "تستاهل يجيب ليها، ما هي جابت ليه كمان كذا". تعالوا نعيش الحالة.. تعالوا في اليوم ده مانفكرش في الماديات.. تعالوا نحتفل صح.. اظهر حبك للكل لأهلك وأصحابك والشخص اللي بتحبه بطريقة سهلة وبسيطة، وافتكر إن المستفيدين الوحيدين من الفالنتين ده هم أصحاب محلات الورد والهدايا و... الصين
هههههههههههههههه