العديد من الطرق للحصول على زوار لموقعك

[فارس الخير]

الموضوع منقول للأمانة
اهلا يا جماعة

انا حبيت اشارك معاكم ببعض الطرق اللى بستخدمها من فترة للحصول على زوار لموقعى و اللى فى معظم الاحيان الان بحصل على اكتر من 800 زائر يوميا من هذه الطرق...

الصورة ديه فيها اخر احصائيات لاحد مواقعى وواضح فيها الريفيرال لموقعى و الزوار زاروا موقعى ازاى....
http://img185.imageshack.us/img185/2061/trafficdo6.jpg



1-من اهم الطرق "بالنسبة لى" هى جوجل فيديو....طبعا كلنا عارفين امكانية رفع ملفات الفيديو على موقع جوجل فيديو و مشاركتها مع الناس
http://video.google.com

و لما برفع اى فيديو بيطلب منك تكتب وصف طبعا انا بعمل اعلان عن موقعى و بالتالى بجيب زوار لموقعى
طبعا انت ممكن تحمل اى فيديوهات من اللى الناس بتحبها زى الاهداف و الكاميرا الخفية و الحاجات ديه


2- مجموعات ال ICQ و ديه بتجيب زوار كتير جدا و لو انت قلقان ممكن ماتكتبش اللينك المباشر لوقعك انما انا بستخدم اللينك المباشر و بحط اعلان لموقعى فى المجموعات المتوافقة مع محتوى موقعى عشان مايبقاش فى نسبة شك انى بعمل سبام...و انا بعد تجربة مجوعات تانية بعتبر ان الicq افضلهم و الياهو هى اسوأهم.



3-دليل موقع شبوة اللى بيجيب وزار كتير فعلا بسبب انه بيظهر فى النتائج الاولى لمحرك البحث جوجل
http://directory.sh3bwah.com


4-التبادل الاعلانى طبعا مهم جدا خصوصا لو مع موقع ليه زوار كتير و كمان لو مشترك فى ادسنس يبقى افضل عشان تضمن بردو انه متوافق مع سياسات جوجل زيك..و انا فعلا عامل تبادل اعلانى مع احد اصدقائى هنا فى المنتدى و فعلا احنا الاتنين مستفيدين جدا من التبادل


5- كمان فيه حاجة مهمة يمكن هى مش طالعة فى الريبورت و هى الاشهار فى المنتديات عن طريق كتابة مواضيع فى الاقسام المناسبة لموقعى و طبعا لازم يكون موقعى فعلا فيه حاجة مفيدة عشان تجذب الزوار


ديه بعض الحاجات اللى بستخدمها فى اشهار موقعى ارجو انى اكون وضحتها كويس يمكن تساعد اى حد مننا انه يجيب زوار اكتر ...و ارجو لو اى حد عنده افكار جديدة و مبتكرة يا ريت انه يشاركنا عشان الكل يستفيد.

__________________

[دموع الذكريات]

شكرا اخوي فارس الخير

يعطيك الف عافيه مجهود رائع

الى الأمااااام

[فارس الخير]

دموع الذكريات
شكرا للمرور