في غـــربـتـي ..!!

[محمود الشاهين]

قصيده وصوتية بسيطة لي أتمنى تنال على رضاكم

http://www.w7m.org/2007/Jun/1181614542.rm

للتحميل من هنا , كلك يمين حفظ الهدف بإسم ... (http://www.w7m.org/2007/Jun/1181614542.rm)


وين الصديق اللي إذا ضاق صدري =يوقف بجنبي حَزة الضيق والهم ؟

وين الحبيب اللي تركني في بحري =غرقان .. والغالي ولاعاد يهتم !!

مالي مخاوي غير شعري وحبري=وحروف تتنَهّـد على صفحة الغم

ياليت محبوبي عن الحال يدري =في غربتي مركب غرامي تحطَم ؟!!

ماقمت أميّز بين ليلي وفجري =كل ماطريت الدار صدري تألم ؟

ودموع عيني فوق الأوجان تجري =مجرى نهر دُجـله , والله أعلم

كيف المعيشه في حياتي وعمري =على ضفاف الويل بالهم ملتم

كيف أوصف همومي في صفحات شعري=من يرحم الخاطر لى جرحي تكلم ؟

لي الشقا مكتوب من يوم صغري =وانا أسير الحزن والضيق والهم !!


محمود الشاهين = شاعر الغربة

[فاطمة بنت محمد]

صح لسانك،، ألم وغربة ،، وما أقساها،، لقلمك ولبوحك أطيب تحية.

[محمود الشاهين]

فاطمة بنت محمد


شاكر لك ِ تواجدك في متصفحي البسيط

ولك ِ مودتي والتقدير


شاعر الغربة

[ظنــانـي الشــوق]

اخي محمود الشاهين

اولا شكرا لك على مشاركتك

ولكن يؤسفني اني اقولك ان قصيدتك هذي كاتبها هو مشرف قسم عذب القوافي

ديوان الامارات

وهذا رابط القصيده

http://www.3deeel.com/vb/showthread.php?t=24924

واتمنى اشوف لك قصائد من كتاباتك وعدم نسب القصيده لغير كاتبها

تقبل تحياتي

[جرح السنين]

اخي الكريم...

ماقرأته هنـا من كلمات وسطور قيمه ولكن..

نفس ماذكرت الأخت ظناني ها القصيده لمشرف عذب

القوافي. ديوان الامارات..

http://www.3deeel.com/vb/showthread.php?t=24924

واذكرك اخي الكريم من السهل نسب اي مجهود للغير لأنفسنا

ولكن تظل قيم التعامل والصدق مع النفس فوق كل اعتبار للانسان نفسه

تظل معيار متزن في تصرفه واعطا الحق لصاحبه....

وعقب ذلك انتظر منك الرد وتفسير ماحصل وقد كنت اضافه

قويه للقسم ولكن ماحصل احدث خلل في النفس من صحه

ماطرحته في بدايتك هنــا...

انتظر تعقيبك ... ولي عووده

اخوك جرح السنين

[محمود الشاهين]

الأخت ظناني الشوق والأخ جرح السنين

أنا استخدم ردكم لي وأوجهه للأخ ديوان الامارات ,,,,؟؟

وللمعلومه ... محمود الشاهين شاعر الغربة عمره مانسب قصيدة الغير له ؟

والدليل على كلامي تفضلوا رابط للقصيده

هذا رابط ديواني في أبيات :

http://www.abyat.com/poem.php?uid=1275&id=6440


أتمنى قبل لاتوجهون لي الاتهام بسرقة الحقوق الأدبية وحقوق الغير

تسألون الأخ ديوان الامارات عن صاحب القصيده هذي

(( والحقوق تبقى دائما ً محفوظة ))

ولي عوده للنقاش الجاد ؟؟


شاعر الغربة

[دموع الذكريات]

الأخت ظناني الشوق والأخ جرح السنين

أنا استخدم ردكم لي وأوجهه للأخ ديوان الامارات ,,,,؟؟

وللمعلومه ... محمود الشاهين شاعر الغربة عمره مانسب قصيدة الغير له ؟

والدليل على كلامي تفضلوا رابط للقصيده

هذا رابط ديواني في أبيات :

http://www.abyat.com/poem.php?uid=1275&id=6440


أتمنى قبل لاتوجهون لي الاتهام بسرقة الحقوق الأدبية وحقوق الغير

تسألون الأخ ديوان الامارات عن صاحب القصيده هذي

(( والحقوق تبقى دائما ً محفوظة ))

ولي عوده للنقاش الجاد ؟؟


شاعر الغربة

ابشر الغالي ولا يكون عندك فكر يمكن صار سؤ تفاهم بالموضوع

ومالك الا طيبت الخاطر ونا بنفسي بتابع الموضوع

وكل انسان بياخذ حقه وذا بالفعل القصيده لك لك اعتذار رسمي من الشبكه

بسمنا جميع انتظرني ولي عوده ان شاء الله ولا تشيل في خاطرك اخ عزيز وغالي

[عذب القوافي]

السلام عليكم

مؤكد اخي الفاضل لك الحق في الاعتراض هنا

ننتظر تعليق الاخ ديوان الامارات وان شاء الله نصل لحل

لي عوده

[ظنــانـي الشــوق]

اخي محمود الشاهين

اتقدم بالعذر لسيادتكم

لا اخفيك استغرابي للموضوع

ونحن في انتظار رد ديوان الامارات

[محمود الشاهين]

ماني من اللي يسرق الشعر ويقول = هذا شعر بيدي كتبته ويفاخر ؟
الحمد لله بالشعر حيل مهبول = شاعر ولي احساس ولاني أكابر
غيري سرق شعري وانا صرت مذلول = أختي ظناني الشوق قالت ياشاعر
لاتنسب اشعار ٍ لغيرك يامجهول = كان التسرع وسط الأحكام شاطر ؟
من دار زايد شاعر الغربة موصول = وافي ولو شنَت بوجهي خناجر
وجرح السنين اللي رخصني على طول = عشان ديوان الامارات ماهر ؟
ماقول غير الحق لايمكن يزول = مير الحشا اصبح من الذل ماطر !!
محمود الشاهين = شاعر الغربة

[جرح السنين]

ماني من اللي يرخص البشر بأبياته=مير الوقت صادف قصيد بعيوناٌ شافته

شرت غيري والفكر فيني وشهي سواته=وماني من اللي يتبع الغير لاجل رغباته

الشعر فن المراجل وله بصماته=يامحمود الخطا وارد بكل زلاته

محدن طلع بدنياه عارفاٌ خطواته=العذر والسموحه منك معروف بالشهامه

حقك يوصلك لو طالت مسافاته=وجرح مايخيب ضيفه برد اعتباره

فيك القصيد ينخاك لاترد مقامه=وكانك بالشعر مهبول ارضى بطياته


اخي الكريم...

ماتهمتك بالسرقه او نسبت الشي لنفسك.. ذكرتك مامعنى ذلك وتسألت لك بسؤال

وشرحت المعنى ولا قصدت التجريح لشخصك وبعد مابينت ذلك قلت لي عوده..

لاجل اعرف مصدر الحقيقه..

وها انت تبين وتشرح وتثبت بالدلائل ورايتك بيضا في كلامك

وكنت انتظر رد ديوان ولازلت انتظره ولك من الرضا مابغيت

وكأني اخطيت بحقك ابشر بعزك وترا الاخذ والعطا من اسمى

معاني القيم.. واللي يجهلك مايثمنك وانت وقصيدك ع العين والراس

ومالك الا طيبة الخاطر ورضوتك لو فيها رقاب..

لي عووده

[محمود الشاهين]

جرح السنين تعرْف ياخوي إني أحب دارك قطر = تدري السبب في عشقها أمي ومواليدي ياجرح
أنا خوالي من قطر وأمي الحبيبه لي فخر = وانا اللي زعلني ياخوك آخر كلامك شوفه ( صح ) ؟
كنت الاضافه الساميه وحرفي نقشته في صخر = فجأه أشوف اني صغير ,, وشلون قلبي يسترح ؟
على العموم ياصاحبي نخطي وترى كلنا بشر = محدن خلا فيه العيوب إنته وانا وغيري انفضح ؟؟
أنا أمثل ديرتي واسمي كتبته بالجهر = شاهين وتشهد لي شعوب والحمد لله وهذا شرح ؟
اللي بغيته في عديل الروح بيّن للبشر = ماني مثل من باقني .. أنا ابن حر ٍ ياجرح !!


أخوي الغالي جرح السنين

هذي اعتبرها بطاقتي الشخصيه .. والحر عمره مايخون أو يمنح الغالين غبون ...
وحصل خير يالغالي .. بس أنا أنتظر الرد من ديوان الامارات
والسموحه لأني استخدمت قافيه ثانيه بالرد عليك
وصح الله لسانك الين ماترضى يالسنافي
والمعذره لو زل لساني أو خطيت


شاعر الغربة

[أميرة الحب]

محمد شــاهين

مهما كان الأمــر

فالقصيده رائعه ومعبره جداً ..


وكما قالوا الاخوه بأنتظار رد ديوان الأمارات


ولك مني أجمل التحايا واعطرهااا ..


أميـرة الحب

[محمود الشاهين]

ابشر الغالي ولا يكون عندك فكر يمكن صار سؤ تفاهم بالموضوع

ومالك الا طيبت الخاطر ونا بنفسي بتابع الموضوع

وكل انسان بياخذ حقه وذا بالفعل القصيده لك لك اعتذار رسمي من الشبكه

بسمنا جميع انتظرني ولي عوده ان شاء الله ولا تشيل في خاطرك اخ عزيز وغالي

دموع الذكريات

الله يبشرك بالجنه ياغلااااااااااهم

والله يطيب خاطرك باللتي هي أحسن دنيا وآخره

والله يديم المخوه بينناااااااااااااا

أخوك : شاعر الغربة

[محمود الشاهين]

السلام عليكم

مؤكد اخي الفاضل لك الحق في الاعتراض هنا

ننتظر تعليق الاخ ديوان الامارات وان شاء الله نصل لحل

لي عوده


وعليكم السلام والرحمة

عذب القوافي

تسلم يالغالي على تواجدك وردك السلس

وكلنا بنتظار رد ديوان الامارات على خير

تقبل جل مودتي والتقدير


شاعر الغربة

[محمود الشاهين]

اخي محمود الشاهين

اتقدم بالعذر لسيادتكم

لا اخفيك استغرابي للموضوع

ونحن في انتظار رد ديوان الامارات

أختي ظنــانـي الشــوق

اللي مايعرفك مايثمنك وأنا ماألومك ياغلاااهم

حصل خير ياوجه الخير وعذرك مقبول

وقدرك على الراس والعين


أخوك : شاعر الغربة

[محمود الشاهين]

محمد شــاهين

مهما كان الأمــر

فالقصيده رائعه ومعبره جداً ..


وكما قالوا الاخوه بأنتظار رد ديوان الأمارات


ولك مني أجمل التحايا واعطرهااا ..


أميـرة الحب

أميـرة الحب


الأروع تواجدك في متواضع متصفحي الذي اصبح

مخدوووش شيئا ً ما ؟ ولكن ارجع واقول

لاهنتي على ترك بصمتك هنا ... وكلنا ننتظر ؟


شاعر الغربة

[نوآرهـ]

صح لسـآنكـ إخوي..

مـآ يصح إلآ الصحيح...
ومهمـآ صـآر فإليّ له الحق.. رآح يـآخذه..
دمت ... بخير..

[محمود الشاهين]

بـ ن ـت الـ ن ـور


من السهل أن تعاشر ولكن من الصعب أن تفارق

وأكيد أختي الكريمه ومايصح إلا الصحيح

والمعذره منكم الكل اذا أخطيت في حق أي شخص من دون قصد

والحمد لله بان الحق .. وربي دوم حافظ الحق ...ََ

أشوفكم على خير أختي والله يوفقك دنيا وآخره


أخوك : شاعر الغربة

[راعي الذgق]

صح السانك اخوي ولا هنت ان شاء الله ومشكور على الكلام الطيب والى الامام دائما
مع تحياتي وحبي