النوم والسهر

[براعم]

نام وتركني والسهر من يباريـه
وينه يشوف اللي سهر في منامه
وينه يشوف اني على مركب التيه
رفعت له كـل الغـلا بابتسامـه
نام وتغلى والغـلا لـه يماريـه
عليه ضيعت الحيـا واحتشامـه
ليتي حضنته يـوم تبـرد اياديـه
غطيته بشوقـي ودافـي كلامـه
شعره غطـاه وبينـاتٍ مواريـه
وردٍ وشهدٍ حايف الشوق ضامـه
خلوه يسهرني انا افدى مواطيـه
اللي رماني بين شوق وملامـه
ليته درى عن حاديٍ حد مغليـه
داري صغيره والقصر له مرامـه
نومة عوافي والسهر له مماشيه
دمعة عيون فوق كـف الندامـه

:play_ball[1]: :play_ball[1]:

[أميرة الحب]

بــراعم ..

همسات عذبة وجميله


صح لسانك أختي

ولا هنتِ

ويسلم لك غاليكِ ومغليكِ


ربما ما قرأت هنا أقرب للشعر أختي



بشوق لجديدك



أختك .. أميرة الحب

[محمد صادق]

براعم

كلمات جميله اعجبتنى

فلك التحيه وشر على الكلمات

[جرح السنين]

براعم

صح السانج اختي

كلمات بغاية الروعه

سطور في معاني قيمه

تقبلي خالص مودتي

اخوج جرح السنين