ألـعـب مـ ع يأأســ ر وسـامـي,,,

[ترانيم الشوق]

السلام عليكم

نبدا دوغري

في يومون من الايام كونت متسدحتون امام التلفازي اطالعو مباراة الهلال والنصر

وانا اتبككو على حالي وانا جالستون اتفرج المباراة عبر التلفاز والشباب يطالعونها بالهواء الطلق ويصفقون ويغنون ويشجعون ويفرحون ويمرحون ولااا وبعد ينزلون عند الاعبين ويمطخونهم وانا جالستون اتفرج عليها بتلفزيون 25 بوصه ودحيم وعزيز يدابتسوون عندي وامي تلعنوني وتقول قولتها المعتاده الطول طول نخله والعقل عقل صخله

اين هي حقوقو المرأه ووش كاري انا اتفرج بين 3 جداران <<< بيتنا مودرن

بينما انا سارحتون بالخثاريق قام يزاعق المعلق هددددددف هدفف هلالي جميل بقدم المتألق دائما الشلهوب

فنقزت من مكاني وتطاير الفصفص العالق تحت اباطي وقمت اراكض من البسطه ولم ادري بنفسي حتى تدربيت بالدرج وصقعت دميجتي بالثلاجه ودخلت في نوم عميق <<< اقولكم بيتنا مودرن

ويوم اني فتحت عيوني ولاني استحمو <<<< الله يرحمك ياسيبويه

يؤؤ مااذكر اني دخلت الحمامو!! ومن حمامه ذا

ولهيتو بالصابوني والشامبو <<<< من عقب التايد

وتلفلفت بالفوطه وطلعت ووجدت ثيابن مجدعات فلبستها

يؤؤؤؤ ماهذااا؟؟؟ كراعيني طالعات؟؟؟

فنظرت الى نفسي بالمرايه وطارت بوهتي من هول ما رأيت

وراي تسذا

فاستدرت لأرى قوامي الفتان

ولقيت ظهري مكتوبون عليه نجود ورقم 2

وانا اقول ياحبيلتس يااميمتي حتى هبالي رضيتي بوه وجبتيلي بدلة الهلال تفرحينن

كدت اطير من الفرح بلباسي الجديد واخذت اعد الدقائق حتى امطخ رأس امي الحبيبه

فلبست جواربي وكنادري حتى اوري امي ماجلبت يداها

فخرجت من الحمام وانا اقول وين انا بوه

وبينما انا طايرتن عيوني وجدت ياسر القحطاني

ياسر: هاه خلصتي؟

انا: هاه!

ياسر: وش بتس؟ اقول خلصتي يلا مابقى شي على المباراة

انا: ممكن اصور معك

ياسر: تراي منيب رايقن لهبالتس يلا انجزي انا رايح

انا: وش دراه اني هبله وراه ينافخ علي ذا وانا احسبه متواضع ووش ملح اثر هذي سواياه هذا وانا ماطلبت الا صوره اجل لو اني قايلتن له ابتقهوا معك وش بيسوي صدق لاقالو المشاهير مغارير

فنظرت امامي فوجدت برحه بها ثيل فنقزت وركضت حتى اتسدح واتدربى بالثييل

فوصلت وقلت في نفسي ورا الناس متجمعين فيذا؟

فبققت عيناي من هول الصدمه ملعب سمحوا للحريم يدخلووون؟؟

سمعت صوتا ورائي فالتفت ووجدت لاعبين الهلال يسخنون

فركضت لكي اسلم عليهم فوجدت في خشتي محمد الشلهوب

انا: محمد هلا والله شلونك ووش اخبارك والله هدفك ذاك اليوم بالنصر كان رهيب سو مثله دايم

محمد: سلامات؟ وش بتس وبعدين وراتس متأخره ترا سامي زعلن عليتس يقول ان جت ابلعنه

انا: وش سامي؟

محمد: يلا تمرني خلصينا لايشوفتس الامير همن يخصم عليتس هذا وانتي بتعلبين اساسيه بعد

انا: وش ابلعب!!!

محمد: تلعبين كيرم معنا بعد شوي! وشبتس انتي المباراة مابقى عليها الا نص ساعه وانت ماتدرين انتس بتلعبين

طارت بوهتي بعد حديثي مع محمد الشلهوب وش السالفتو انا بلعب كوره؟؟ الحين اخواني عيوو يلعبوني معهم الحين العب مع الهلال لا وباستاد الملك فهد بعد؟؟؟؟

وبينما انا سارحتن بالفكر ماوعيت الا من رفستون في بطني

فاذا به سامي الجابر يغولن

وانا اقولو لهو وش بك انت هذا وانا احبك تبي تذبحن

سامي: وينتس انتي كل ذا تروش والله من الاهمال

فرفسني مرتن اخرى ووقعت على ظهري

وانا اقول تمون يابو الجوابر ولو اني ماهقيته منك

فرفعت ظهري من على الارض واذا بي أرى شيئا مفزعا ماهذا شعر ساقاي تقل حديقة بيت امي حصه <<< تهون على اللي مايعرف بيتهم

ماذا افعل؟؟ كيف ادع سامي الجابر يراني بعد طول عناء من الانتظار بهذه الكراعين المخيسه

فخطرت في بالي فكره وذهبت لمحمد الشلهوب بما انه سمح

وقلت له: محد ممكن خدمه اذا تكرمت

محمد: سمي

انا: سم الله عدوك بس ودي اروح الحمام مزنوئه وابيك تستر علي وتقول اني فيذا ماتحركت

محمد: اجل اركضي بس لاتبطين <<< حبيب الولد

فأخرجت جوال رهيب 2002 من جيبي وكلمت ام رضا حقت الحلاوه وقلتله تعالي الحين استاد الملك فهد بسرعه

قالت انا جنبك دئيئتين بس واكون عندك

وجت ام رضا ودخلت انا وياه للحمام وطلعت الحلاوه وقعت تمطه بسيقاني الين خلصت همن قلتله شيلي شعر اباطي اخاف اجيب هدف وارفع ايديني ويشوفونه المشاهدين ويهونون عن الهلال<<<< مصدقه انها بتجيب قول

فانتهيت من نتف شعري واسرعت حتى لا يفقدونني

واذ بالاعبين جاهزين لخوض المباراة ووقفت في منتصف الملعب بجانب سامي الجابر منتظرين صافرة الحكم

انا: سامي

سامي: وش تبين

انا: الحين انا راس حربه زييك

سامي نجوودووه ترا ان قلتي كلمتن وحده ابلوفتس عند الجمهور

انا: وراك شايفن نفسك علي انت تراي انا لاعبه مثلي مثلك

فيييييييييييييييييييييييييط <<< الصفيره

تقدمت للامام انتظر احدن يناولني الكره حتى اسحب بالنصراويين ويعجب بي سامي

ناول لي نواف الكره وبدأت اسحب واسحب بواحدن تلو الاخر وانا اقولو لنفسي والله اني لعيبه بس محدن عطاني وجه

فاذا بي اسمع صرااخ ياسر يقول ناااولي نااااااولي فجحدته واكملتو تسحيبي حتى قطعت مني الكره

فعصب علي وقال: بلهاء انتي صقها ماتسمعين

انا: اقول تحسبن شغالتن عند اهلك انا من جيت وانت تهاوشن وتسبن

ياسر: ليتتس مثل شغالتنا كود انتس تفهمين

انا: اقول الفقه والعب وانت ساكت

همن جانا سامي ليصلح بيننا كعادته فمسح على رأسي فاذا بي اخق معه

فمسح يده بشورته ليمسح العرق الذي علق بيده من رأسي

فأكملنا المباراة محاولين ايجاد اي هدف

حتى وصلتني الكره اخيرا وانا بموقعن منتاز

فشت الكره بأقوى ماعندي حتى استقرت اخيرا في شباك الخوجلي

فركضت ابحثو عن سامي الجابر حتى اخمه <<< ترا الهدف بس عشان اخم

فاذا به يقولو لي ياملحتس تكفين

انا: قل قسمن

ثم جاء ياسر يركض فرحا ولكنني عطيتهو ركبه

ياسر: وش دعوه

انا: مزاعلتك

ياسر: يامصلتس امزح معتس وراتس حساسه

انا: صدز خلاص صحيب

فيييييييييييييييييييط<<< صفيره

وانتهى الشوط الثاني فذهبت الى الحمام حتى امرخ ركبي بفازلين مراعاتن لمشاعر المشاهدين والاعبين

ابدلت ملابسي وتجهزنا لخوض الشوط الثاني من المباراة وكلي املون ان احرز الهدف الثاني لفريقي الهلال

فييييييييييييييييييييييط<<<< صفيره

بدأ الشوط الثاني وبدأت بالهجوم والمراوغه.. حتى تسنت لي الفرصه ورفعت الكره ونقزت وركلتها دبل كيك فدخلت المرما هدفا ثانيا لفريق الهلال

فأخذت ادورو حول الملعب فرحا بالهدف فتجمع علي الاعبون وانكتمت من رائحة السنان

فاقترب سامي وقال : برافووو برافووو

انا: وش كابتن ماجد عندي

سامي: والله انتس لعيبه يابنت

انا: حبيتن

سامي: حبتتس القراده

انا: وراه

سامي: هذا لاقالو اصوم اصوم وافطر على بصله

انا: اوريك يالشين..ياحسافة الميه حقت الحلاوه

واكملنا المبارة بعدما غسلت يدي من سامي وبدأت افكر بمن سيضفني بعدما تحطمت وادركت اني شينه وان محد يناظرن

وبينما انا سارحتون بشيني جاء لاعب نصراوي وشات رجلي بدل الكوره

انا: ااااااااااااااااااااااااااااااع يالاعمى وشبك انت ماتشوف والله لااعلم عليك امك

النصراوي: اسف اسف بالغلط والله

انا: عورتن ياخي

النصراوي: مااقصد ياخيه

فتجمع الاعبون ليرون وش القصه

ياسر: سلامات سلامات وش فيه

انا: سااااااقي

ياسر: اشوف

انا: اشوااني شايله

ياسر: هذا وانتي شايله! شوري عليتس لاتشيلين ابد ياوخيتي

انا: يعني وشو ؟ يعني ماراح اتزوج؟ محد يبيني؟؟ خلاص ضاع الامل؟؟؟...........

واذا بماء ينكب على رأسي فنقزت هبلتن
واذا بأمي تدلعوني كعادتها قومي يملا الهبال والضربه من بيعرس عليتس وانت هذا حالتس؟ اجل فيه احد ينام تحت الثلاجه

فأيقنت بأنني احلم <<< توتس تيقنين

فقمت وتعوذت من ابليس وانبطحت في فراشي لاكمل نومي دون احلام وكوابيس وشكرت ربي ان البنات مايلعبن كوره عشان مايشيلن حلاوه ويتمرخن بفازلين كل يوم
وشكرت ربي وحمدته الف انه الاختلاط حرام بما فيه من حفاظا لمشاعر الحرمه
وانه ياربي لك الحمد ان الاحلام خرابيط ولاكان صدقت ان ام رضا تجي بدقيقتين وتشيلي بربع ساعه <<< كل انواع البرود اللي بالدنيا في ذا العجيز


اخلاء مسئوليه

القصه خياليه فأي تشابه بالاسماء والاحداث انا مالي دخل هذي مشكلة الشخص نفسه

كل الاحترام والاسف للاعبين المذكوره اسمائهم تراني امزح ان كانهم زعلوا <<< فاضينلتس هم بس يقرون خثاريقتس

[احلى دنيا]

ههههههههههههههههههه


الله يرجك ترنومه

دمك خفيف ههههههههههههه

اوعى تصدقى

طبعا لا امزح
خخخخخخخخخخخخخ

http://www.alfrasha.com/up/61351175998460407.gif

[ترانيم الشوق]

ههههههههههههههههههه


الله يرجك ترنومه

ويرجك معي هع

دمك خفيف ههههههههههههه

اوعى تصدقى

طبعا لا امزح
خخخخخخخخخخخخخ

تصدقين صدقت <<<:tongue_smiley[1]::tongue_smiley[1]:
شاكره لمرورك

[~ تعبتـ آشتاق ~]

يؤ يؤ يؤ يؤ يؤ يؤ يؤ يؤ يؤ يؤ يؤ يؤ يؤ يؤ يؤ يؤ


:angry_smiley[1]: :angry_smiley[1]: :angry_smiley[1]:



:79: :79: :79: :79:


<<<<<<<<<<< هذا المستخدم زعلااااان

يالله عاد وش يرضيه

تحياتي لك ترنومه

[ترانيم الشوق]

يؤ يؤ يؤ يؤ يؤ يؤ يؤ يؤ يؤ يؤ يؤ يؤ يؤ يؤ يؤ يؤ
:angry_smiley[1]: :angry_smiley[1]: :angry_smiley[1]:
:79: :79: :79: :79:

:dumpfounded_smiley[ :dumpfounded_smiley[ :dumpfounded_smiley[
<<<<<<<<<<< هذا المستخدم زعلااااان
يالله عاد وش يرضيه

يؤيؤيؤيؤيؤيؤيؤيؤ
ليــــــــــش تزعل ..؟؟:icon_cry[1]: :icon_cry[1]: :icon_cry[1]: :icon_cry[1]:
وقصم القصمات ماسويت شي :99: :99:
<< ماتدري ليش زعل :no[1]:
على العموم شاكره لمرورك الي اسعدني << واضح اسعدك قصم حزني علشان ماتدري وش اللي زعلك :sad_smiley[1]: :sad_smiley[1]:
وهـ بــس:sad_smiley[1]:

[مدمر القلوب]

فنظرت امامي فوجدت برحه بها ثيل فنقزت وركضت حتى اتسدح واتدربى بالثييل

فوصلت وقلت في نفسي ورا الناس متجمعين فيذا؟

فبققت عيناي من هول الصدمه ملعب سمحوا للحريم يدخلووون؟؟

==========================================

ههههههههههههههههههااااااااااااااااااي

امحق من تمييز اي برررحه الله يصلحك خخخخخخخخخخخـ قصمنجيه ميه بالميه خخخخخخخخـ

================================================== ===

انا: محمد هلا والله شلونك ووش اخبارك والله هدفك ذاك اليوم بالنصر كان رهيب سو مثله دايم

========================
سوو مثله : خخخخخخخخخخخخخخـ والله من زين اللغه بعد خخخخخخخخـ

===================================

فيييييييييييييييييييييييييط <<< الصفيره

==============================

وربي صووت الصفيييره شي يهبل كنها صفيره صدزيه خخخخخخخخخخخخـ



مشكوووووووره تراانيم على الموضووع اللي يفتس زززززززحك

وربي اني مت من الزززززززحك الله يغربل عدوينك

مشكووره يالغلا


تحياتي لك

اخوك الصغنوط

مدمر القلوب ( مكمدر )

[ترانيم الشوق]

ههههههههههههههههههااااااااااااااااااي

امحق من تمييز اي برررحه الله يصلحك خخخخخخخخخخخـ قصمنجيه ميه بالميه خخخخخخخخـ

هههههههههههههههههههههههههههههه

طبعا قصيميه على اصول:biggrin[1]: << كانها طبخه خخخخخخخخخخخخخ

سوو مثله : خخخخخخخخخخخخخخـ والله من زين اللغه بعد خخخخخخخخـ
هههههههههههههههههههههههههه
شفت كيف:biggrin[1]: خخخخخخخخخخخخخخخ

وربي صووت الصفيييره شي يهبل كنها صفيره صدزيه خخخخخخخخخخخخـ

:125: يؤ يؤ يؤ:125:
وشلون سمعته لتكون مع الجمهور حاضر المباره وانا مادري:81: خخخخخخخخخخخخخ

مشكوووووووره تراانيم على الموضووع اللي يفتس زززززززحك

وربي اني مت من الزززززززحك الله يغربل عدوينك

دوووووم الزززززحك هع:81:

مشكووره يالغلا

العفوو ولو

( مكمدر )

هههههههههههههههههههههههههههههه
ههههههههههههههههههههههههههههه
ههههههههههههههههههههههههههه
تصدق من زمان ماقلته هع:81:

شاكره لمرورك مكمدر هع:81: