محمد صادق
11-12-10, 04:56 AM
حبيتنى ؟
لأ ما أظنش
هتحن يا قلبى
ولا ما تحنش ،،
هو مش فاهمك
وعمره يوم ما هيفهم
هتعيش عمرك فى وهمك
مش هتفوق
ومش هتفهم
إن غرامك سراب
ووهم واخدك وشادك
القرب والأغراب
بيحاولوا ياخدوا بيدك
واللى إنت فاكره حبيبك
عز عنك إيده
وحده إختار يسيبك
وجرحك أهو بيزيده
مش ده اللى قرب منك
وهوه إبتدى وناداك
مش هوه اللى قرب منك
وكانت عنيه وخداك
دلوقت إبتدى يتهرب
ويبعد واحده واحده
فى الحقيقه كان بيجرب
وأدينا تانى فى وحده
بنبص حوالينا
ما نلاقى غير جدران
بنسهر لياليا
والفكر حزين حيران
ويطول السهر ويطول
وساعاته مش بتعدى
لو وده كان مقتول
ليه ما حس بودى
بسأل سؤال وباجاوب
وبسأل سؤال تانى
وأستنى هو يجاوب
وأرجع أستنى تانى
ومش بالاقى إجابه
جرح وخداع وغش
ومشاعر ميته وكدابه
قلوب تخدع
وقلوب تغش
وقلوب بالهم منصابه
ومش بالاقى إجابه
وأسأل سؤال جديد
وبرضه مش بيفيد
مين اللى حب
ومين ماحبش
قلبى حب
ليه ما يتحبش
وكل القلوب حبابه
ومش بالاقى إجابه
حالى هوه حالى
من يوم ماقلت ياحب
الوحده والليالى
ومشاعر ميته فى القلب
تتولد وتموت
ماتشوفش حتى النور
وأنا ألف مره باموت
لو يوم شعاع النور
داب فى وسط العتمه
وباكتم جوايا الحنين
وحنينى مات م الكتمه
لو أكون محتاج وغريق
وما ألاقى إيد ممدوده
لو أحاول أمشى طريق
والاقى الطرق مسدوده
لو يوم أنادى عليهم
وما الاقى منهم رد
لو أبين ودى ليهم
وألاقى بُعد وصد
لو صوتى مش سمعوه
أو عملوا مش سامعين
لو قلبى يوم وجعوه
بيبقى الوجع وجعين
لو حبوا غيرى
وقلبى عليهم هان
لو حنانهم راح لغيرى
وقلبى محتاج حنان
لو فضلت أقول وأعيد
وهما ما فهموا كلامى
لو لازم آلامى تزيد ،،
ليه هما يزيدوا آلامى ؟
لو ضرورى أعيش محتار
ليه هما يحيرونى ؟
لو قلوبهم هتختار
مش هيختارونى
عارف كده ومتأكد
وأدينى بأقول وبأكد
مش هيختارونى
وعمرى هاعيشه بنارهم
مش هيختارونى
وأنا قلبى من البدايه إختارهم
إختارهم يكونوا دواه
لما بيبقى جريح
إختارهم يكونوا هواه
وأتارى هواهم ريح
بتطير مشاعرى فى الفضا
وصوتى يروح فى الندا
ولا حد سامع ندايا
ماهو قلبى من البدايه
إختار يكون واهم
وهيقضى عمره كده
مش فايق
ومش فاهم ،،
إن سماهم أرض
ونهاية طريفهم سد
ندايا مالوش رد
وودى مالوش ود
مش فاهم إن حنينه
ماشى فى طريق الموت
مش فاهم أن سنينه
هتنقضى وهتفوت
وهو عايش فى إنتظار
مره يقدموا أعذار
ومره ما يهتموا
وهوه الجرح جواه
مافيش دوا بيلمه
وهوه هواه
جارى فى عروقه ودمه
وبرضه عايش واهم
وبرضه مش فاهم
إن الجرح مكتوبه
وإن عيون محبوبه
بداية طريق عذابه
وبداية طريق همه
مش فاهم إن أحبابه
ولا مره بهواه إهتموا
ولا حتى بيه داريين
وهوه بين نارين
نار حبهم وهواهم
ونار إنه عاش واهم
وإنه ضاع عمره
وبرضه مش فاهم .
بقلمى 8/12/2010
لأ ما أظنش
هتحن يا قلبى
ولا ما تحنش ،،
هو مش فاهمك
وعمره يوم ما هيفهم
هتعيش عمرك فى وهمك
مش هتفوق
ومش هتفهم
إن غرامك سراب
ووهم واخدك وشادك
القرب والأغراب
بيحاولوا ياخدوا بيدك
واللى إنت فاكره حبيبك
عز عنك إيده
وحده إختار يسيبك
وجرحك أهو بيزيده
مش ده اللى قرب منك
وهوه إبتدى وناداك
مش هوه اللى قرب منك
وكانت عنيه وخداك
دلوقت إبتدى يتهرب
ويبعد واحده واحده
فى الحقيقه كان بيجرب
وأدينا تانى فى وحده
بنبص حوالينا
ما نلاقى غير جدران
بنسهر لياليا
والفكر حزين حيران
ويطول السهر ويطول
وساعاته مش بتعدى
لو وده كان مقتول
ليه ما حس بودى
بسأل سؤال وباجاوب
وبسأل سؤال تانى
وأستنى هو يجاوب
وأرجع أستنى تانى
ومش بالاقى إجابه
جرح وخداع وغش
ومشاعر ميته وكدابه
قلوب تخدع
وقلوب تغش
وقلوب بالهم منصابه
ومش بالاقى إجابه
وأسأل سؤال جديد
وبرضه مش بيفيد
مين اللى حب
ومين ماحبش
قلبى حب
ليه ما يتحبش
وكل القلوب حبابه
ومش بالاقى إجابه
حالى هوه حالى
من يوم ماقلت ياحب
الوحده والليالى
ومشاعر ميته فى القلب
تتولد وتموت
ماتشوفش حتى النور
وأنا ألف مره باموت
لو يوم شعاع النور
داب فى وسط العتمه
وباكتم جوايا الحنين
وحنينى مات م الكتمه
لو أكون محتاج وغريق
وما ألاقى إيد ممدوده
لو أحاول أمشى طريق
والاقى الطرق مسدوده
لو يوم أنادى عليهم
وما الاقى منهم رد
لو أبين ودى ليهم
وألاقى بُعد وصد
لو صوتى مش سمعوه
أو عملوا مش سامعين
لو قلبى يوم وجعوه
بيبقى الوجع وجعين
لو حبوا غيرى
وقلبى عليهم هان
لو حنانهم راح لغيرى
وقلبى محتاج حنان
لو فضلت أقول وأعيد
وهما ما فهموا كلامى
لو لازم آلامى تزيد ،،
ليه هما يزيدوا آلامى ؟
لو ضرورى أعيش محتار
ليه هما يحيرونى ؟
لو قلوبهم هتختار
مش هيختارونى
عارف كده ومتأكد
وأدينى بأقول وبأكد
مش هيختارونى
وعمرى هاعيشه بنارهم
مش هيختارونى
وأنا قلبى من البدايه إختارهم
إختارهم يكونوا دواه
لما بيبقى جريح
إختارهم يكونوا هواه
وأتارى هواهم ريح
بتطير مشاعرى فى الفضا
وصوتى يروح فى الندا
ولا حد سامع ندايا
ماهو قلبى من البدايه
إختار يكون واهم
وهيقضى عمره كده
مش فايق
ومش فاهم ،،
إن سماهم أرض
ونهاية طريفهم سد
ندايا مالوش رد
وودى مالوش ود
مش فاهم إن حنينه
ماشى فى طريق الموت
مش فاهم أن سنينه
هتنقضى وهتفوت
وهو عايش فى إنتظار
مره يقدموا أعذار
ومره ما يهتموا
وهوه الجرح جواه
مافيش دوا بيلمه
وهوه هواه
جارى فى عروقه ودمه
وبرضه عايش واهم
وبرضه مش فاهم
إن الجرح مكتوبه
وإن عيون محبوبه
بداية طريق عذابه
وبداية طريق همه
مش فاهم إن أحبابه
ولا مره بهواه إهتموا
ولا حتى بيه داريين
وهوه بين نارين
نار حبهم وهواهم
ونار إنه عاش واهم
وإنه ضاع عمره
وبرضه مش فاهم .
بقلمى 8/12/2010