واحد من الناس
17-08-06, 10:49 AM
اخوانى واخواتى
ساكون معكم باذن الله فى سلسله مقالاتى روشته ساقدم فيها علاج لبعض مشكلاتك بطريقه تتناسب مع
عصر العولمة الذى نعيشه فلا تتجاهلنى ولا اريدك ان تاخذ بنصيحتى فانا اكتب اليك وانت عليك اخى
واختى اكتشاف العلاج بنفسك فالمشكله مشكلتك وليست مشكلتى ولكنى اصنع من حروفى جسر لتمر
عليه فوق خوفك ومظله لتحمى نفسك بها من امطار شتاء فكن يقظا لكلماتى ولا تكن او تكونِ خارج
عصر العولمة
1 - لا تتــــــــــــــــــــــألم
فجاة حبيبتك قالتلك انا مش هاقدر اكمل معاك كفايه لحد كده ،اهدى معايا وبلاش تروح تجيب شريط اغانى للخداع والفراق وهانى شاكر واصالة وتعيش الدور، انا عارف ان القلم جامد وطالع من نافوخك والمفروض انك انت اللى هاتبداء بالمرحله دى بس هى طلعت ناصحه وفهمتك بدرى
فلا تتألم اغسل وشك والبس انضف طقم عندك وانزل على اقرب مول تجارى او اقف على ناصيه الشارع وعيش حياتك تفتكر ليه لازمه انك تتتالم انها سابتك ؟
فلا تتألم
ماتزعليش منى اختِ هاتقولى انت ظلمتنا وخليتنا زى اللعبه بنتبدل ولا يهمك انتِ كمان الواد الروش اكتشفتِ انه بيكلم نص بنات الشله وشغال معاهم مسجات وميسد خلاص وماله شريط كاسيت فيه اغنيه شيرين جرح تانى وهات يا عياط لما عنيكى تورم وماتغسليش وشك علشان يبان عليكِ اثارالخيانه واخرجى بطقم لبس واحد لفتره معينه كانك يعنى مالكيش نفس للروشنه والحقيقه انك ماعندكيش غير الجيب ده والبلوزه دى ومستنيه صاحبتك تسلفك طقم هاتجيبه من سوق الكانتو
شباب النادى او المنطقه هايسالو هى مالها ولا تردى طبعا صاحبتك هاتقول للبوى فريند بتاعها الحكايه هايجيب هيثم او رامى ويعرفك بيه فى حفل عائلى خفيف وانتهت القصه تفتكرى اختِ فيه حاجه تستاهل انك تتالمى ؟
فلا تتألمى
مالك يا صاحبى شكلك مش عاجبنى ليك يومين
يا اخى الواحد كل مايشوف نشره الاخبار والاطفال اللى بتموت والضرب هنا وهناك بتالم من كل قلبى
يا صاحبى فك وانت ايه يخليك تجيب الجزيرة، هات ميلودى او روتانا او مزيكا هاتنسيك الهم والغم اللى بتشوفه ده ليه تتالم يعنى انت عارف ان الجزيرة مش بتجيب غير الكوارث بتتفرج عليها وبعدين تقولى زعلان طيب شوف كده الست هاله سرحان وهى بتناقش مشكله الممثل بيعرق ولا لاء وهو بيمثل ،
شوفت المواضيع الهادفة وبعدين كام كليب وتروش نفسك وتنسى الوقت ومش هاتحس باى الم بعد كده
وبعدين لا فلسطين ولا لبنان هو احنا اللى هانحل مشكلتهم ان كان العالم كله بحكامه مش عارفين انت اللى هاتحلها
فلا تتألم
هل تشعر بان حقك مهضوم وانك مشواخد فرصتك فى عملك
طيب ومالة لا انت اول واحد ولا اخر واحد بصراحه انت غلطان انت لو تعرف تمشى حالك وتظبط الباشا هتلاقى نفسك كل شهر ترقيه هنا واجازة هناك وسفريه هناك بس انت مش بتفهم وعايش بس تقول انا عندى مبادىء وبعدين بتشتكى من الالم بقى ده اسمه كلام ظبط مبادئك على مقاس الباشا وانت تنسى اى الم
فلا تتالم
انت كمان بتتالم من ايه خير
اتخرجت بقالك عشر سنين ومش لاقى شغل وليه تتالم ومين لاقى شغل هو انت احسن من كام مليون شاب فى البلد وبعدين انت عاوز ايه ولا ايه بص لشباب الصومال مثلا او تورا بورا هتلاقى نفسك احسن منهم بكتير فليه تتالم ولع السيجارة دى وانت تنسى ومش هاتحس باى الم
فلا تتالم
اختِ انتِ فين بتتالمى ليه عاوزه تروحى عيد ميلاد صاحبتك وعاوزه تفكى من الحجاب شويه علشان اليوم ده بيكون محتاج روشنه صح وماله ماتفكى اهاااااا فهمت بابا قالك ممنوع تخلعى الحجاب طيب ماهو ابوكى ومعاه حق لازم تسمعى كلامك بتتالمى حاسه انك مضطهده وماحدش فى البيت حاسس بيكِ
طيب روحى الحفله وهناك عيشى الروشنه وهاتنسى اى الم بس خلى بالك لو لقيتى اخوكى الصغير موجود هناك بالصدفه وشافك من غير الحجاب تفتكرى انك تلبسى الحجاب او تخلعيه محتاج انك تتالمى
اخوانى واخواتى
ان وجدت شئا فى حياتك يستحق الالم فابحث عن علاجه بنفسك فانت طبيب نفسك ولن يشعر بالامك غيرك وقد ترى مشكلتك هى ماتستحق ان يجتمع لاجلها مجلس الامم فلا نتنظر العلاج من الاخرين ولا تدع نفسك فريسه للالم فانه لن يفيد فى حالتك
فلا تتألم
لنا لقاء ان كتب لنا البقاء
تقبلوا احترامى وتقديرى
ساكون معكم باذن الله فى سلسله مقالاتى روشته ساقدم فيها علاج لبعض مشكلاتك بطريقه تتناسب مع
عصر العولمة الذى نعيشه فلا تتجاهلنى ولا اريدك ان تاخذ بنصيحتى فانا اكتب اليك وانت عليك اخى
واختى اكتشاف العلاج بنفسك فالمشكله مشكلتك وليست مشكلتى ولكنى اصنع من حروفى جسر لتمر
عليه فوق خوفك ومظله لتحمى نفسك بها من امطار شتاء فكن يقظا لكلماتى ولا تكن او تكونِ خارج
عصر العولمة
1 - لا تتــــــــــــــــــــــألم
فجاة حبيبتك قالتلك انا مش هاقدر اكمل معاك كفايه لحد كده ،اهدى معايا وبلاش تروح تجيب شريط اغانى للخداع والفراق وهانى شاكر واصالة وتعيش الدور، انا عارف ان القلم جامد وطالع من نافوخك والمفروض انك انت اللى هاتبداء بالمرحله دى بس هى طلعت ناصحه وفهمتك بدرى
فلا تتألم اغسل وشك والبس انضف طقم عندك وانزل على اقرب مول تجارى او اقف على ناصيه الشارع وعيش حياتك تفتكر ليه لازمه انك تتتالم انها سابتك ؟
فلا تتألم
ماتزعليش منى اختِ هاتقولى انت ظلمتنا وخليتنا زى اللعبه بنتبدل ولا يهمك انتِ كمان الواد الروش اكتشفتِ انه بيكلم نص بنات الشله وشغال معاهم مسجات وميسد خلاص وماله شريط كاسيت فيه اغنيه شيرين جرح تانى وهات يا عياط لما عنيكى تورم وماتغسليش وشك علشان يبان عليكِ اثارالخيانه واخرجى بطقم لبس واحد لفتره معينه كانك يعنى مالكيش نفس للروشنه والحقيقه انك ماعندكيش غير الجيب ده والبلوزه دى ومستنيه صاحبتك تسلفك طقم هاتجيبه من سوق الكانتو
شباب النادى او المنطقه هايسالو هى مالها ولا تردى طبعا صاحبتك هاتقول للبوى فريند بتاعها الحكايه هايجيب هيثم او رامى ويعرفك بيه فى حفل عائلى خفيف وانتهت القصه تفتكرى اختِ فيه حاجه تستاهل انك تتالمى ؟
فلا تتألمى
مالك يا صاحبى شكلك مش عاجبنى ليك يومين
يا اخى الواحد كل مايشوف نشره الاخبار والاطفال اللى بتموت والضرب هنا وهناك بتالم من كل قلبى
يا صاحبى فك وانت ايه يخليك تجيب الجزيرة، هات ميلودى او روتانا او مزيكا هاتنسيك الهم والغم اللى بتشوفه ده ليه تتالم يعنى انت عارف ان الجزيرة مش بتجيب غير الكوارث بتتفرج عليها وبعدين تقولى زعلان طيب شوف كده الست هاله سرحان وهى بتناقش مشكله الممثل بيعرق ولا لاء وهو بيمثل ،
شوفت المواضيع الهادفة وبعدين كام كليب وتروش نفسك وتنسى الوقت ومش هاتحس باى الم بعد كده
وبعدين لا فلسطين ولا لبنان هو احنا اللى هانحل مشكلتهم ان كان العالم كله بحكامه مش عارفين انت اللى هاتحلها
فلا تتألم
هل تشعر بان حقك مهضوم وانك مشواخد فرصتك فى عملك
طيب ومالة لا انت اول واحد ولا اخر واحد بصراحه انت غلطان انت لو تعرف تمشى حالك وتظبط الباشا هتلاقى نفسك كل شهر ترقيه هنا واجازة هناك وسفريه هناك بس انت مش بتفهم وعايش بس تقول انا عندى مبادىء وبعدين بتشتكى من الالم بقى ده اسمه كلام ظبط مبادئك على مقاس الباشا وانت تنسى اى الم
فلا تتالم
انت كمان بتتالم من ايه خير
اتخرجت بقالك عشر سنين ومش لاقى شغل وليه تتالم ومين لاقى شغل هو انت احسن من كام مليون شاب فى البلد وبعدين انت عاوز ايه ولا ايه بص لشباب الصومال مثلا او تورا بورا هتلاقى نفسك احسن منهم بكتير فليه تتالم ولع السيجارة دى وانت تنسى ومش هاتحس باى الم
فلا تتالم
اختِ انتِ فين بتتالمى ليه عاوزه تروحى عيد ميلاد صاحبتك وعاوزه تفكى من الحجاب شويه علشان اليوم ده بيكون محتاج روشنه صح وماله ماتفكى اهاااااا فهمت بابا قالك ممنوع تخلعى الحجاب طيب ماهو ابوكى ومعاه حق لازم تسمعى كلامك بتتالمى حاسه انك مضطهده وماحدش فى البيت حاسس بيكِ
طيب روحى الحفله وهناك عيشى الروشنه وهاتنسى اى الم بس خلى بالك لو لقيتى اخوكى الصغير موجود هناك بالصدفه وشافك من غير الحجاب تفتكرى انك تلبسى الحجاب او تخلعيه محتاج انك تتالمى
اخوانى واخواتى
ان وجدت شئا فى حياتك يستحق الالم فابحث عن علاجه بنفسك فانت طبيب نفسك ولن يشعر بالامك غيرك وقد ترى مشكلتك هى ماتستحق ان يجتمع لاجلها مجلس الامم فلا نتنظر العلاج من الاخرين ولا تدع نفسك فريسه للالم فانه لن يفيد فى حالتك
فلا تتألم
لنا لقاء ان كتب لنا البقاء
تقبلوا احترامى وتقديرى