عانيت في بعده كثر ما هويته

[الهنوف الشماليه]

أقول بنسى وأحسب انـي نسيتـه
الحب الأول صعب نسيان راعيـه
عانيت في بعده كثـر مـا هويتـه
لا احتليت في قربه ولا نيب ناسيه
لو اني أقـدر جيتـه كـان جيتـه
اللي بقوله آآآآه ويلي علـى أجيـه
بس البلا أني كلمـا جيـت بيتـه
أخذ ثلاث أيام مدري (شنـا) فيـه
ليل ونهـار وليـل واللـي قفيتـه
وأنا مابين أسمه ورقمـه وطاريـه
الله عطاني مـن غـلاه وعطيتـه
وغيره بغى مني ولانيـب معطيـه
قالوا هويتـه قلـت أأيـه هويتـه
قالوا تركته قلـت مانـي مخليـه
له منزل" في وسط روحـي بنيتـه
جدرانه ضلوعي وهو ساكن" فيـه
دورت له بيـن الضلـوع ولقيتـه
خلف الضلوع يبين(ماطى)خطاويه
واليوم لا أحتجت اللقا ماأحتريتـه
حتى ثره من بين الأضلاع ما حيه
ياجعل يسقـى عادنـي لا بغيتـه
يغفى على ضلعين صدري وأصحيه
ما فيه شخص في حياتـي بكيتـه
الا الذي قد مات مانيـب راجيـه
لكن هـو حـي ومـع ذا رثيتـه
من قلبي اللي أحسـن الله تعازيـه
حملـت قلبـي بالهمـوم ورجيتـه
كني ما عرف الا غيابه وأحاتيـه
أقـول بنسـى وأثرنـي مانسيتـه
الحب الأول صعب نسيان راعيـه


منقوووووول

[بقايآ جروح]

الهنوف

صح لسان شعرها ويسلم لنا ذوقك

تقبلي مروري

[هواجيس]

قصيدة تستحق قرأتها ..
والوقوف تبجل لصآحبها
شكراً لِعُمق الحرف هنا..