سيمفونية عبور الجيش المصرى فى حرب اكتوبر

[عمدة المصريين]

عبرناها ... عبرناها وقلناها ... ونلناها
ورجعت أرضنا الغالية .. بهمة جندنا العالية
وردت مصر سيناها .. وردت مصر سيناها
ضحك القدر وابتسم .. ورجعتي بعد فراق
وحضنا رملك .. بالفرحة والأشواق
يام التراب الحر .. ياغلى م الياقوت والدر
ياللي احنا فيكي متيمين عشاق
*****
بقوة إيماننا عبرنا القنال
ف ايدنا سلاحنا وعزم الرجال
بدم الصهاينة روينا الرمال
وزالت حصونهم وداب المحال
والرملة قالت مرحبابك يا ولهه
على طلقت المدفع نهيت المسألة
خليت صوابعك ع الزناد يتكاموا
قوة سلاحك كت نهاية المشكلة
وكتبنا فوق رملك ياسينا بالدما موال
موال يقول ف النيل اسود ورجال
*****
ودخلت سينا يا مصري ودست اعدائك
وخلصت من قهر كان مدفون ف أحشائك
دخلت سينا الأمل بعزيمة جبارة
دخلت سينا العمل بقوة ومهارة
وجرح سينا اندمل .. بإرادة وجدارة
يعيش اللي حمي ترابك .. يعيش اللي جابك
وتعيشي يا مصر .. وتدي بغزارة
*****
ويوم عيدك ماننساشي
فدائيكي ولا شهيدك
المجاهد اللي معروف بالشجاعة
اللي قال يامصر دي أوامرك مطاعة
اللي حزم نفسه بحزام من بارود
اللى قام يحرق وينسف ف اليهود
اللى وحده بمفرده موت جماعة
اللي عارف نفسه ها يموت بعد ساعة
اللي خلى لعربي مرفوع الجبين
اللي خلد ذكرته طول السنين
الي ضحي بروحه ده الجندي الفدائي
اللى قابل ربه فرحان بالتلاقي
هوه ده المصري الشجاع
هوه ده الجندي الفدائي
*****
ولا ننسي ف يوم عيدك
زعيم مصر وزعيمك
اللى قال ده مستحيل
رملة تروح من عندنا
ومستحيل ها نسيب دخيل
بالسلم ناخد حقنا
يا رافع رؤسنا بحكمة وثبات
يا كنز الكرامة .. يا عالى الصفات
بفضل انتصارك رفعنا الرايات
بذمة وتفاني وروح الصمود
معاك للنهاية لابعد حدود
يا رافع رؤسنا بحكمة وثبات
*****
والنهارده مصر واقفة راسها عالية تبص ف مرايتك يا سينا
وابتسامتها الحجميلة دارت الدمعة الحزينة
دمعة سالت فوق خدودها من سنين
من عذا الفرقة والشوق والحنين
رمشها الاسملا خلاص نفض دموعه وابتسم
يوم ما شافت ابنها فوقك بيرفع ف العلم
*****
وصبحتي يا أم المعارك
موطن سلام وأمان
ابنك معلى البنا
والنهضة والعمران
تسلم يا زارع خيرنا .. تسلم ضربتك بالفاس
تسلم يا واقف بتشقي لاجل تسعد ناس
تسلم يا صامد ع حدودها بروح وحماس
تسلم يامن تقول بالحب والاحساس
تروح روحي وروح ولدي
وروح احفادي من بعدي
تهون الدنيا ف عنية .. وأشوفك حرة يا سينا
واشوفك حرة يا بلدي
بشيل الشوك ويجرحني
وبرد وحر يلفخني
ومهما الرح يألمني
عشان سينا يفرحني
وأشوف الدنيا بعنيها
وأخطي الصعي وارضيها
*****
من شوقي للفجر ..باغزل فجر لبلادي
وانسج بايدي اليالي .. ضي لولادي
واحكم على الصبح يطرح شمس بعنادي
ف كف ايدي الأمل والقدرة والخضرة
تنهيدة اليأس في وادي وانا فوادي
*****
ابنك يا سينا كتب ملحمة
شافتها الدنيا .. كل الدنيا طولها وعرض
ابنك يا سينا يقول ...
مبدائي وسنتي والفرض
تهون روحي فدي ترابك ..
ولا يبقي غريب ع الارض
ده اللي يصون موطته صان الشرف والعرض
ده اللي يصون موطته صان الشرف والعرض
*****
بقلم / عاصم أبو حطب
معيد بقسم الاقتصاد - جامعة قناة السويس

[محمد صادق]

يسلمووووووووووووووووو


تحيتى
محمد

[ظنــانـي الشــوق]

عمدة المصريين

تسلم الله يعطيك العافيه

[حزن]

ملحمة حماسية ، وكلمات معبرة للغاية

أخى : عمدة المصريين
تقبل خالص تقديرى لنقلك الرائع

تحياتى ..
حزن ..

[دلوعة]

يسلموووووووووو عمدة


يعطيك العافية


تـحـيـاتـ دلوعة البحرين ـي

[العشق والهوى]

عمدة المصريين


الله يعطيك العافيه

[ستار]

عدنان

روعة فعلا

بداية رائعة

أتمنى انك تكمل معانا