الوالدين أغلى كيان عرفناه

[فارس عديل]

بأمــــي وأبــــوي القـــاف لحظة دعينـــاه

لـبا وسـما وانـتـخـى ثـــــــــــــــم دعـانـا

لـولا الوفـــــا بـحـقـوقـهـم ما كـتـبـنـــــاه

ولـــو نكـتـبـه فـي حـقـهـــــم ما وفــــانـا

أمــــي لها فضــــــــــــل من الله عطاناه

الخيــــر تـحـت أقدامـــهــــا والـجـــنـانـا

أمـــــــي احملتني بالكـــــــدر والمعاناه

تـسـعـة شـهـــــــور تـشـيـلـني ما توانا

حلـو اللبــــــن من صدرها قـد رضعناه

حول سـنـتـيـن اليـــوم ما اسرع نسانا

كم ليــــــــــل لعيونــــــي تباته معاناه

ما تـهـتـنـي بالـنــــــــــــوم قبل الأذانا

تحــــــــزن ليامن لـذة الــزاد عفنـــاه

وكم مرة نسهــــر وتسهــــــــــر معانا

فيها حنــــــــــــان الكـون كمه ومعناه

فيهـا صدوق الــــــود واضـــح وبانا

أمـــي لو أذكر فضلهــــا ما حصرناه

يكفي لو أذكر حملــهـــــــا كيف كانا

وأبـــــوي فضله فوق أبد ما نسيناه

وش لون ننســـــى واحــــد قد ربانــا

يا ما تعب يا ما راعــــانا بـعـيـنـــــاه

يـا ما طلبنــا مـنـه يـا ما عـطـــــانــا

يـتـعـب لـجـل يـحـفـظ كيـــــانه بيمناه

شامــــــخ ويـنـزل لـجـلـنـا لا لـقـانــا

بـنـوره بـديـنا دربـنـا اللـي مـشـيـنـــاه

نـسـمـع خـلاصـة خـبـرتــــــه لا بدانا

أبــــــــوي أبيع الكـــــــــون كله لعيناه

لـــــه في سويــــدا القــلـــب قدر ومكانا

الوالديــــــــن أغلـــــــى كـيــان عرفناه

نرجي رضـــــا الله ثم رضـــــاهم رجانا

احـقـوقـهـم تطغى علــى اللـي ذكرنــــاه

مـاتـنـحـصـي مـا تـنـجـمـع لـو بـغـانـا

لو جـهـدـنا لعيــونـهـــم ما ذخــرنــــاه

لا طرف حــــدود حـقـوقـهـــــم ما دنانا

اللي نـبـيـه مـن الـولـــي ونـتـمـنــــــاه

يـعـيـنـنـا فـي بـرهـم ويـهـــــــــــــدانـا